Popular Bible Verses from Jagə 2

Share

Takagə kara to to gə be tɔ: To gə ɓo kul-ɛ godo nama, uy mbudugu.

Be ɓa, ɗəw kara baa to gə darɔ dəw gə njil godo kəne nama uy mbudugu le, takagə gə kul-ɛ godo nama uy mbudugu tɔ.

Ngan ko̰-mje, dəw gə pa na n-ta kagə ngaa kul-ɛ godo le se may lə-a to gə ɗi wa? To gə be ngaa se takagə ne le a kaj-ɛ ja wa?

ꞌTa kagə to gə Luba kara baa ɗəgədə wa? ꞌƊa gə dɔ gɔl-ɛ ja. Njilje gə kṵra̰y kara ꞌta kagə to gə bənəng tɔ, ɗaa ꞌɓəəl d-isa baa ɗɛgə-ɗɛgə.

Ngaa dəw kara a pa na: ꞌI ꞌta kagə, ꞌma m-aw gə kula ɗa-m tɔ. ꞌTɔji-m takagə lə-i gə lal kul-ɛ ar-m m-o nama, ꞌma m-a tɔji-i kula ɗa-mje gə ɗəw takagə gə lə-m kar-i o tɔ.

Mba ndɔ gangə tar le, ko kəmtondoo lə dəw gə o kəmtondoo ang le godo; ngaa dəw gə o kəmtondoo le, ye ɓəəl lo gangə tar ang.

Oje to gə ɗəw kula ɗa gə le tɔ ɓa d-o ne dəw gə dəw gə dana gadə-gadə, ɓo gə mba takagə ja kara baa ang.

ꞌI o to gə takagə lə-a le aw naa gə kara baa gə kula ɗ-ɛ, ngaɓa kula ɗ-ɛ le gɔl takagə lə-a ar-ɛ may ɔr sṵra̰.