Popular Bible Verses from Nje gə Epɛs 4

Share

ꞌMay-je gə naa gə yo gə nee, ꞌɗa-je gə naa məmay gə yo gə nee; ɔrəje tar dɔ naa gə yo gə nee to gə Luba ɔr ne tar dɔ-si gə ɗəw gə lə Kirisi be tɔ.

ulaje dɔ-si ngulum, awje yururu ngaɓa ilaje mə-si dɔ mar-ɛ gə po̰-po̰ tɔ. Oreje ur-si dɔ naa gə gə yo gə nee gə njigi

May kar tar gə ha̰rə̰w ce ta-si gə ang, ngaa to gə ɓo ɗəw to nama, ꞌpaje Tar gə May gə a kula jingaw mə naa gə nəm, ngaɓa dəwje d-o nama d-inga mənuji kəne tɔ.

May kar ꞌtɔrəje neje gə to nee le horo-si gə gə ɗangə: Rɔ kadə gə ɗa-ɗa, kəji lə daje, wungu, kunda ndu, pa gə naa ngaɓa məndul gə ɗa-ɗa kara nəm.

To gə ɓo wungu ɗa si nama, ꞌɗaje neɗa gə kṵra̰y ang. Ar-je kar andə dɔ wungu gə lə-si ang; ngaɓa ar-je ꞌsɛ̰ngərɛ̰ ta-si lo ang.

may kar ɔrəje darɔ gə ləw gə to gə pa nja-si gə kede ləw ɗəw ɓo neje gə ərə si ar-si ꞌtuji-je ne rɔ-si pugudu, ɓo ar-je Njil mbəl kəji negərə lə-si to gə sigi, ɗaa unje darɔ gə sigi gə Luba unda-a ɗəw neɗa gə dana gadə, gə ɗəw nesangə gə to gə kandə tar gə tɔgərɔ le ula-aje rɔ-si gə.

undaje ne singa-si dɔ mar-ɛ gə ar-je ne dɔ mə kara gə lə Njil gə go ɗɛgɛgɛ gə tɔ-si naa gə.

ꞌNe gə n-ar nje gə kɛm ꞌto njeka̰ykulaje, gə pajambərəje, gə nje kila mbərəje lə Tar gə May, gə njekɔr no dəwje ngaɓa gə njenetɔjije tɔ, mba tɔji ne ne njerɔsangəje kar ꞌto ne ngan njekulaje gə may pɛdə mba kar darɔ Kirisi ərə ne ɓər-ɓər, saar kar-sijee ja tɔ̰y, ja təl ja to ne gə dəwje gə kara baa ɗəw takagə gə, gə ɗəw gərə Ngon lə Luba gə, gə to ne gə dəw gə tɔgə asə naa gə lo kunda rɔ Kirisi gə may pɛdə.

Mba kar-sijee j-a to ne gə nganje gə kasə ang ngaa, mba nganje gə kasə le, ꞌpagəm ləngə-je ngaɓa ꞌbil-je aw gə je yo gə nee ɔji dɔ netɔjije ɓədə-ɓədə gə d-ula-je ne gore, d-ar-je ꞌndəm ɗəw nekərə gə, gə ɗəw kula ɗaje gə lə dəwje; Tar gə tɔgərɔ gə ja pa gə ndu nuji le, ja tɔgə ne kang-kang ɔji dɔ neje tɔ̰y ɗəw gə lə Kirisi gə ye ja ɓa to gə dəw dɔ ne.