Popular Bible Verses from 1 Piyɛr 2

Share

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə. Mba ꞌnayje to gə badəmje gə d-igi be, ngaa ɓisine ɗaa ꞌtəlje dɔ-si gə ɓə lə njekuul-si ngaɓa nje tɔsə kəm-e dɔ kəm gə lə-si nəm tɔ.

Sisəy gə kede ꞌtoje dəwje gə d-aw baa gə nangə əng ngaa ɓisine ꞌtoje dəwje lə Luba; Luba o kəmtondoo lə-si ang, ngaa ɓisine ɗaa n-o kəmtondoo lə-si ngaa.

Ngaa ɗəw kara baa to gə ngan tayje ꞌnjigi ne mbaa be le, ar-je ɓo mbaa gə arə ngadə, gə to tar lə Luba ɔr-si, mba kar mbɔr dɔ-ɛ ɗaa ꞌtɔgəje ne ɓo ingaje ne kaji

Ngan ko̰-m gə m-njigi-si ya̰, may kar-si ꞌgərəje to gə ꞌtoje nje kaw taarje ngaɓa gə mbaje dɔ nangə nee, ɗaa aje rɔ-si dɔ ɓo neje gə darɔ gə, gə d-aw ɗɔ gə si le. Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi

Ne ja gə ne gə kṵra̰y nama ɔsə-je ngərəng, ngaɓa kərə dəw, tar mula, ɗa mal ne gə pa tarje gə kṵra̰y dɔ dəw gə.

ꞌƊəmje gə rɔ-ɛ gə, ꞌne gə n-to kɔr ər gə to kəm baa gə dəwje ꞌmbadə, ngaa n-may ta kəm Luba gə ɓa mbər-e.

may kar isije to gə dəwje gə dɔ-je to doy, ɗaa kar dɔ to doy lə-si to ɗəw ɗa ne gə kṵra̰y ang, ngaa ꞌnjaje gə njekulaje lə Luba.

mba Luba njigi kar pa nja-si to gə maj-ɛ ar mbəje d-o ne lo pa tar ang