Popular Bible Verses from 1Ja̰ 4

Share

Ɓəəl godo mə njigi gə, ngaa njigi gə may ɔr njal le ɔr ɓəəl mə dəwje gə, mba ɓəəl to kaw kəm pər gə. Dəw gə ɓəəl le, njigi gə ɔr njal godo m-e gə.

Ngan-m gə gɔgɔ, sisəy le ꞌtoje kar Luba, ngaɓa ꞌcɛdəje ɗɔ pajambərəje gə mbɔr-ɛ, mba ye gə isi mə-si gə le to ɓəəl unda nje kisi dɔ nangə gə nee.

Ye gə ɔji dɔ sijee ɗaa, njigi to mə-si gə mba ꞌne ja n-njigi-si dɔngɔr.

Ngan ko̰-mje gə m-njigi-si ya̰, j-a njigi naa gə yo gə nee; mba njigi to Luba. Dəw ɗa-ɗa gə njigi to m-e gə nama, Luba uji-e ngaɓa gərə Luba tɔ.

Dəw gə njigi to m-e ang le, gərə Luba ang mba Luba to njigi.

Ɗəw njigi gə Luba njigi-si le, to gə sijee ɓa j-a njigi-e kede ang baa, ngaa ꞌne ja ɓa n-njigi-si dɔngɔr ngaɓa n-ula Ngon-e to gə nekuga dɔ neɗa gə kṵra̰y lə-si.

Ngan ko̰-mje gə m-njigi-si ya̰, to gə ɓo Luba njigi-si ya̰ bənəng nama, may kar j-a njigi naa tɔ, j-a njigi naa gə yo gə nee.

Oje ɗəw gə Luba kila ne njigi lə-a ar-si ɓa nee: Luba ula Ngon-e gə kara baa dɔ nangə gə nee mba kar j-inga təbə ɗəw lə-a.

To gə dəw pa na: M-njigi Luba, ɓa n-njigi ngon ko̰-ɛ ang gə kɔrɔ nama, n-to nje ɗəgərə, mba dəw gə o ngon ko̰-ɛ nda̰ ɓa njigi-e ang, ngaa a njigi Luba gə o-e ang na ban wa?

Dəw gə pa gə t-ɛ na Jeju to Ngon lə Luba nama, Luba isi m-e gə ngaɓa dəb-e le um naa gə Luba gə tɔ.

Ndu gə j-inga ji-a gə ɓa nee: Dəw gə njigi Luba nama a njigi ngon ko̰-ɛ tɔ.

Ngan ko̰-mje gə m-njigi-si ya̰, ꞌtaje kagə njil tɔ̰y baa ang, ngaa ꞌnaje njilje oje se ꞌtoje kar Luba ja wa; mba pajambərəje gə gə mbɔr-ɛ bula ꞌɗe dɔ nangə nee. Ne gə a gərəje ne njil lə Luba ɓa nee: njil gə ɗa-ɗa gə pa na Jeju Kirisi ɗe təl rɔ-ɛ to dəw ɗaa to Njil lə Luba

ngaa ɓo njil gə ɗa-ɗa gə gərə Jeju ang nama, to njil lə Luba ang, ɗaa to njil lə nje kəm tar lə Kirisi, to gə oje tar ɗe lə-a le, ɗaa ɓisine n-ga̰ dɔ nangə gə nee nam ngaa.