Popular Bible Verses from Filipoyguakuérape 4

Share

Anítei pejepy’apy mba’eve rehe, pemombe’u uvei opaite mba’e pene ñembo’e rupi Ñanderuetépe, pembohasa ichupe g̃uarã pene rembijerure pene agradecimiénto reheve.

Ha Ñanderuete py’aguapy, ituichaitevéva opaite yvyarigua arandúgui, ha ko py’aguapy kóva oñangarekóta pene remiandu ha pene pensamientokuéra rehe Hesu Cristopype.

Che hermanokuéra pepensa avei opaite añetegua rehe, opaite mba’e oñemomba’eguasukuaáva rehe, opaite heko peguáva rehe, opaite justícia rehe, opaite ipotĩva rehe, opaite ipy’a porãva rehe, opaite ñe’ẽ ñemyasãi porã rehe, opaite heko porãva rehe, opaite ñemboete rehe.

Opaite mba’e ikatu chéve g̃uarã, Ha’e chemombaretégui.

Pevy’a tapia Hesu Cristopype, ha ha’e jevy: Pevy’ákena.

Ñanderuete voi omoĩmbava’erã imba’eitágui opaite peikotevẽva guive, Hesu Crísto reko jajaipa rupi.

Ha pejapo opaite mba’e che pohekombo’eva’ekue ha pehenduva’ekue chehegui, ha pejapo opaite mba’e pehechava’ekue che ajapova’aína. Ha pe py’aguapy Jára (Hesu Crísto) oĩhína katuete penendive.

Pende py’aporã tojekuaauka opavavépe, Hesu Crísto jeju hi’ag̃uíma.

Che ahasa asykuaa ha areko hetakuaa, che ryg̃uatãkuaa ha cheñembyahyikuaa, che ajepokuaáma hemby ramo térã opa ramo che pirapire.

Nda’éi ko’ã mba’e ajejopy vaígui, che voi ajepokuaáguima, añecontenta hag̃ua arekomíva rehevénte.