Popular Bible Verses from Filipoyguakuérape 3

Share

Che hermanokuéra, che ningo nda’eséi ahupitypáma hague, peteĩ mba’e año ajapo, cheresarái umi mba’e tapykuépe opytava’ekuégui ha añeha’ãmba ahupity hag̃ua umi mba’e oĩva che renonderãme. Aguata ahávo ag̃uahẽ meve hu’ãme ha ahupity hag̃ua che rembiapo repy, Ñanderuete ome’ẽtava opavave umi Ha’e ohenoiva’ekuépe Hesu Crístope g̃uarã.

Che aikuaa porãseve Hesu Crístope ha Ñanderuete pu’aka, omoingove jevyva’ekue Ita’ýra omanova’ekue apytégui, ha che amoirũ ichupe avei ijehasa asýpe, che ajoguave hag̃ua ichupe avei iñemanóme. Che aha’ãrõ ag̃uahẽ meve pe tekove tapia g̃uarãme, Ñanderuete chemoingove jevýne hag̃ua avei omanómava apytégui.

Añetehápe ko’ág̃a ahechakuaa mba’evaiete ha yty (tepoti) ramo, ha iporã che amboyke ha amombo ytýpe ko’ã mba’e ko’ãva Hesu Crísto rayhupápe, ha avy’aite aikuaaháre Hesu Crísto che Jaraha

Che añeha’ãmba umi yvyarigua rete rembiapópe ha umía ambotuichaitereiva’ekue, ko’ág̃a katu ahechakuaa Hesu Crísto rehehápe péva ku mba’e ñembyaívaicha.