Popular Bible Verses from Matéo 5

Share

Avave nomyendýi peteĩ tataindy omoĩ hag̃ua peteĩ mba’yru guýpe, tataindy renda árinte uvei, ohesapepa hag̃ua oĩva guive pe óga ryepýpe. Péicha tohesape avei pende resape pende rapichakuéra apytépe, ohecha hag̃ua hikuái pene rembiapo porã ha omomba’eguasu hag̃ua pende Ruetépe oĩva yvagakuérape.

Peẽ ningo tetãyguakuéra resape; pe táva oñemopu’ãva cérro ru’ãme ndaikatúi oñemi.

Ipy’a rory umi ipy’apy potĩ joheipyréva, ha’ekuéra ohechava’erã Ñanderuetépe.

Ipy’a rory umi iñembyahýiva ha ijy’uhéiva ñembojovake heko pegua rehe, oñemohyg̃uatãva’erã ichupekuéra.

Che katu ha’e peẽme: Pehayhu penderehe ija’e’ỹvape, ha peñembo’e umi pendeperseguíva rehe

Ipy’a rory umi oikuaáva imboriahuha ipytu porãme, imba’e ningo Ñanderuete retãguasu.

Ipy’a rory umi ombopy’aguapýva umi oñorãirõvape, ha’ekuéra oñemboherava’erã Ñanderuete ra’ykuéra.

Ipy’a rory umi imba’embyasýva, Ñanderuete voi omoangapyhyva’erã ichupekuéra (Apocalípsis 21,4).

Ipy’a rory umi ojeperseguíva justícia rehehápe, imba’eva’erã Ñanderuete retãguasu.

Ipy’a rory umi oporoporiahuverekóva, ha’ekuéra ohupityva’erã poriahuvereko.

Pende py’a rory pende rapicha pendeja’o ramo, pendepersegui ramo ha japúpe oñe’ẽvai ramo penderehe che réra rayhupápe. Pevy’aite ha tapendepy’a roryete, ituichágui pe jopói (regálo) peguerekóva yvágape, péicha omuñava’ekue avei hikuái umi profetakuérape, oikomava’ekue peẽ mboyve guaréva.

Ipy’a rory umi ipy’a porãva hapichakuéra ndive, oñeme’ẽva’erã ichupekuéra ko yvy kóva imba’erã ramo.

Peẽ ningo pe juky ko yvy ári; pe juky nahe’ẽvéi ramo, mba’épepa oñemohe’ẽ jevýne. Mba’everã ndojeporukuaavéi, oñemombo hag̃uántema okápe, yvyariguakuéra opyrũmba hag̃ua hese.

Upéicha ramo tapendereko porãke Ñanderuete, yvágape oĩva, heko porãite háicha avei.

Peje uvei: Néi, néi, térã nahániri, nahániri; pejeve ramo péva árigui, péva ou añáguima.

Peẽ pehendúma oje’e hague: Tesa, tesa rekovia; ha tãi, tãi rekovia. Che katu ha’e peẽme: Ani pemyengovia pe mba’evai ojejapóva penderehe; oimeraẽ penenupãva pende rova akatúape, pemoĩ avei ichupe pende rova asu peguáva.

Upévare nde resa akatúa nemoñepysãngáta ramo tembiapo vaípe, eipe’a ha emombo mombyry, iporãve oñehundi peteĩ nde rete rehegua, oñemombo rãngue opaite nde rete reheve aña retãme. Ha nde po akatúa nemoñepysãngase ramo tembiapo vaípe, eikytĩ ha emombo mombyry; iporãve ningo ndéve, oñehundi peteĩ nde rete reheguáva oñehundi rãngue opaite nde rete aña retãme.