Popular Bible Verses from Galaciayguakuérape 6

Share

Aníkena ñanekane’õ jajapo hag̃ua ñane rembiapo iporãva, hi’árape ñamono’õva’erã, katuete nañaneate’ỹi ramo.

Upévare ikatu aja jajapo tembiapo iporãva opavavépe g̃uarã, ñamotenondeveva’erã Hesu Crísto reheguávape.

Peñopytyvõ pegueraha hag̃ua oñondive pene mba’e pohýi (cárga) ha péicha pejapo ramo pehóvo pejapo hekópe Hesu Crísto rembiapoukapy.

Aníke peñembotavy pendejupe. Avave ndaikatúi oñembohory rei Ñanderuete rehe. Opaite umi mba’e ñande ñañotỹva, katuete ñamono’õ jevyva’erã avei.

Upe oñotỹva ijyvyarigua rete (reko) rembipota vaípe g̃uarã, ijyvy arigua rete rembipota vaígui omono’õva’erã ñembyai; upe oñotỹva Pytu Porãmbávape g̃uarã, Pytu Porãmbávagui omono’õva’erã tekove tapia g̃uarãva.

Che hermanokuéra, oime ramo peteĩ ho’áva tembiapo vaípe, peẽ peikóva Pytu Porãmbáva poguýpe, peñeha’ã peipytyvõ hag̃ua ichupe ñemomirĩme, ha’e opu’ã jevy hag̃ua, peñeñangarekóke katu ani hag̃ua pejepy’ara’ã peẽ avei.

Oime ramo pende apytépe upe oimo’ãva ha’eha peteĩ mba’eguasu, toikuaa porã mba’eveha ha’e, ha ha’e voínte oñembotavy ojupe. Peteĩteĩ toha’ã (toipyguara) hembiapoteéva, ha ojohu ramo peteĩ tembiapo porã tovy’a hekópe ipytu porãme, ha’eñoháme, ani hag̃ua ha’e oñembojoja hapicha rembiapokue rehe. Peteĩteĩ oguerahava’erã imba’e pohyiteéva (icárga imba’eteéva).