Popular Bible Verses from Galaciayguakuérape 5

Share

Pe Pytu Porãmbáva katu hi’a: Mborayhu añeteguáva, tory, py’aguapy, paciéncia, oporombohorýva, py’aporã, jerovia, ñemomirĩ, jejokokuaa. Moises rembiapoukapykuéra katu noñemoĩri ko’ã Pytu Porãmbáva’a rehe.

Che katu ha’ese peẽme: Peikókena Pytu Porãmbáva poguýpe, péicharamo ndapejapomo’ãvéi pende yvyarigua rete rembipota vai (Galaciayguakuérape 5,25).

Ñanderuete ñanemoingove ramo Pytu Porãmbáva rupi, ñande jahejava’erã avei pe Pytu Porãmbáva tañanesãmbyhy.

Hesu Crísto reheguáva katu omosãingo kurusúre hete, hembipota vai ha ipy’a ojerure asýva.

Yvyarigua rete rembiapo ningo ojehechauka voi, ko’ãva ha’e: Joguereko menda’ỹre, pensamiénto vai, tekomeg̃ua, umi omomba’eguasúva ambue járape, paje (encánto), umi oñemoĩ reíva hapicha rehe, ñorãirõ, takate’ỹ, pochy, ha’éntese, umi omyasãiva ñe’ẽ vai hapicha rehe, umi omboja’óva kuimba’ekuérape térã kuñakuérape aty atýpe oñemoĩ hag̃ua ojuehe, envídia (py’a rasy), umi oka’úva, umi okaru hetaitereíva ha ambue koichagua mba’e. Che ha’e haguéicha peẽme, ha’ese jevy ko’ág̃a: Opavave ojapovahína ko mba’e kóva ndoikemo’ãi Ñanderuete rekohápe (yvágape).

Che hermanokuéra, Ñanderuete ningo penerenói peiko hag̃ua teko sãsóme (libertádpe). Ani peiporu, pe teko sãso peiko jevy hag̃ua pende yvyarigua rete rembipota vai poguýpe. Peñopytyvõ uvei Hesu Crísto mborayhu reheve.

Pe yvyarigua rete rembipota oñemoĩ pe Pytu Porãmbáva rehe, ha pe Pytu Porãmbáva oñemoĩ pe yvyarigua rete rembipota vai rehe, mokõivéva oñorãirõ oñondive ani hag̃ua pejapo umi mba’e pejaposéva.

Opaite Moises rembiapoukapykuéra oĩmbaite ko ñe’ẽ kóvape: Ehayhu nde rapichápe nde rejehayhu háicha (Levítico 19,18).

Ani ñañembotuichase, ani ñañombopochy rei, anive jaipota ñande rapicha mba’éva.

Hesu Crísto ñanerenói pe teko sãsóme g̃uarã, upévare pepyta hatãkena pe teko sãsóme ha anítei peñemoĩ jevy tembiguái cangálla poguýpe.