Popular Bible Verses from इपिसियों 6

Share

काँके आपणो युद मनकाँऊँ कोयने पण आकास में रेबावाळा मोटा राजा, अदिकारियाँ, ईं अंदारा की दनियाँ में राज करबावाळी सगत्याँ अन हुगली आत्माऊँ हे।

हरेक तरियाँ की अरज अन विनती का हाते आत्माऊँ हर टेम परातना करिया करो। ईं मस जागता रेवो अन हारई पुवितर लोगाँ का वाते हरदाण अरज करता रेवो।

परमेसर का हाराई हत्यार बांद लो, ताँके थाँ सेतान की चाल को सामनो कर सको।

ईं वाते परमेसर का हारई हत्यार पेरलो के, थाँ बुरा दन में वाँका हामे ऊबा रे सको अन हारई पूरो करन अटल रेवो।

अन ईं हारई का हाते विस्वास की ढाल लेवो जणीऊँ थाँ सेतान की हारी हगलती तकी तीराँ ने बजा सको। अन उदार को टोपो, अन आत्मा की तरवार, ज्यो परमेसर का बचन हे, लिलो।

ईं वाते हाँच का बेलपट्याऊँ आपणी कमर बाँदन, अन छाती को कवच पेरलो मतलब परमेसर का हामे सई करो, अन पगाँ में मोचड्याँ पेरलो, ज्यो मेल-मिलाप का हव हमच्यार का परच्यार करबा ने त्यार वेबा के जस्यी हे

आकरी बात, परबू का गट-जोड़ अन वाँकी मोटी तागतऊँ ज्योरावर वेता रेवो।

“आपणी बई अन बापू को मान कर।” ओ पेलो हुकम हे जिंका हाते वादो भी हे। “ताँके थारो भलो वेई अन थूँ धरती पे नरई दन जीवतो रेई।”

ओ छोरा-छोरी, थाँ परबू का गट-जोड़ में हो, ईं वाते आपणाँ बई-बापू को केणो मानो, काँके ओ हव हे।