Popular Bible Verses from कुलुसियों 2

Share

जस्यान थाँकाणी ईसू मसी ने परबू मानन गरण किदा हाँ, वस्यानीस वींका विस्वास मेंईस चालता रेवो। अन वींका मेंईस थाँ जड़ गाटी पकड़ीन बड़ता जावो अन थाँका जीवन का विस्वास की नीम वटेईस नाको अन हेलऊँ हेलो परमेसर ने धन्नेवाद करता रेवो।

हूँस्यार रेज्यो, कुई थाँने अकलऊँ अन धोकाऊँ आपणाँ गुलाम ने बणा ले, ज्यो मनकाँ का रिति-रिवाजऊँ अन दनियाँ की बाताँ के जस्यान तो हे, पण ईसू मसी के जस्यान कोयने।

मसी पे विस्वास करबा के पेल्याँ आपीं आपणाँ पापाँ की वजेऊँ आत्मा में मरिया तका अन बना खतना का हा। पण अबे परमेसर आपाँने ईसू मसी का हाते पाच्छा जिवाया अन आपणाँ हाराई पापाँ ने माप किदा हे। अन नेमाँ का वीं लेकऊ ज्यो आपणाँ हामे अन दसमण हो, वाँने वगाड़ी नाक्या, अन वाँने ईसू हूळी पे खिला ठोकन आपणाँ हामेंऊँ छेटी कर नाक्यो।

काँके मसी की देह मेंईस परमेसर आपणी हाराई गुणा का हाते हमेस्या का वाते वास करे हे। अन थाँ वींका मेंईस पाका व्या तका हो, ज्यो हाराई परदानाँ अन आत्मिक सगत्याऊँ घणो मोटो हे।

ईं वाते खाबा-पिबा अन तेवार अन नवो चाँद अन सबद का दनाँ में कुई थाँको फेसलो ने करे। काँके ईं हाराई आबावाळी बाताँ की खाली छाया हे, पण ईं हंगळी चिजाँ में हाँच तो ईसू मसी हे।