Popular Bible Verses from أيث-فيليـپـي 4

Share

وَار كسِّيم بُو ومْنُوْس خ وَالُو. س ثْࢲَادْجِيث نْوم ذ دُّعَاء نْوم اَكِذْسن شُّكر نْوم اَذ تْقدّْمم مَارَّا ثِمسْڒَايِين س طَّلَابَاث نْوم إِ أَربِّـي.

ثُمَّا ڒهْنَا ن أَربِّـي إِݣ يتجْهِيذن خ مَارَّا ڒفْهَامث ذِي دُّنشْت-أَ ذ ونِّي إِي غَا يحْضَان ؤُڒَاون نْوم ذ ڒَعْقُوْڒَاث نْوم ذِي عِيْسَى لْمَسِيح.

غَار ونݣَّارُو آي أَيثْمَا، مِين يدْجَان ذ لْحَقِيقَا ذ مِينْدِي يدْجَا ڒوْقَّار ذ مِين يدْجَان يسݣّْذن ذ مِين يدْجَان يصْفَان ذ مِين يدْجَان ذ اَصبْحَان ذ مِين خَانغ يعِيزّن ذ اَيِّي ثَمسْڒَايْث ذ ثَصبْحَانْت اَطَّاس اَذَاس نُوْش لْقِيمَا يتْخصَّا كنِّيو اَذ تْفكَّرم ذِي ثْمسْڒَايِين-أَ.

قَاع ثِمسْڒَايِين زمَّرغ-اَسنْت س ونِّي إِي ذَايِي يتشّن جّْهذ.

فَرّْحث ڒبْدَا س سِيذِيثْنغ! أَذَاوم ينِيغ اَوَاڒ-أَ عَاوذ، فَرّْحث!

أَقَا أَربِّـي ينُو اَذَاوم يُوْش قَاع مِين ثحْذَاجم عْلَاحْسَاب اَݣْڒَا نّس لْعَظِيم ذِي عِيْسَى لْمَسِيح.

مِين ثْڒمْذم ذ مِين ثْقبْڒم زَّايِي ذ مِين ثسْڒِيم ذ مِين ثࢲْرِيم خَافِي يتْخصَّا أُو لَابُد اَذ تسْخذْمم ثِمسْڒَاِيِين-أَ. ثُمَّا اَكِذْوم يِيڒِي أَربِّـي ن ڒهْنَا.

ئِتْخصَّا اَذ د يمظْهَار صّْبَر نْوم إِ مَارَّا يوْذَان، أَقَا سِيذِيثْنغ يُوْذس-د.

سّْنغ اَذ عِيشغ ذݣ وزيَّار، سّْنغ عَاوذ اَذ عِيشغ ذِي ڒْخِير. نش مَامش مَا دْجَانْت ظُّرُوْف ينُو ڒمْذغ سِّير اَذ وَاجْهغ ڒْخِير نِغ ذ جُّوْع، وَاخَّا غَارِي اَطَّاس نِغ شْوَايْت وَاهَا.

أَوَاڒ-أَ ينُو وَار يقَّار شَا رزُّوْغ شَان ڒْحَاجث؛ لَّا، نش ڒمْذغ اَذ قنْعغ مَامّش مَا دْجَانْت ظُّرُوْف ينُو.