Popular Bible Verses from ರೋಮಾಯೆರೆಗ್ 15

Share

ನಿರೀಕ್ಷೆಗ್ ಮೂಲ ಆದುಪ್ಪು ದೇವೆರ್, ನಿಕುಲು ಆಯ ಮಿತ್ತ್ ದೀತಿನ ನಂಬಿಕೆಡ್ದ್ ಮಾತೆರೆನ್ಲಾ ಸಂತೋಷ, ಸಮಾಧಾನೊಲೆಡ್ ದಿಂಜಾದ್ ನಿಕ್ಲೆ ನಿರೀಕ್ಷೆ ಪರಿಶುದ್ಧಾತ್ಮನ ಬಲೊಡ್ದು ಬುಲೆವೊಂದು ಉಪ್ಪುಲೆಕ್ಕ ಸಹಾಯ ಮಲ್ಪಡ್.

ದುಂಬು ಶಾಸ್ತ್ರೊಡು ಬರೆತಿನವು ಪ್ರತಿಯೊಂಜಿ ನಮ ಬೋಧನೆಗಾದ್ ಬರೆತ್ಂಡ್. ನಮ ಓದುದು ಅವ್ವೆಡ್ದ್ ನಂಕ್ ಸ್ಥಿರ ಮನಸ್‌ಲಾ, ತಾಳ್ಮೆಲಾ ಉಮೇದ್‌ಲಾ ಪಡೆದ್ ನಿರೀಕ್ಷೆದಾಕುಲು ಆದುಪ್ಪುಲೆಕ್ಕ ಆ ಗ್ರಂಥೊನು ಬರೆತ್ಂಡ್.

ಕ್ರಿಸ್ತ ಯೇಸುನ ಮಾದ್ರಿನ್ ಅನುಕರಣೆ ಮಲ್ಪುನೆಡ್ದ್ ನಿಕ್ಲೆಗ್ಲಾ ಸಮ್ಮಂಧೊಡು ಉಪ್ಪೆರೆ ದೇವೆರ್ ಅವ್ವೇ ರೀತಿದ ತಾಳ್ಮೆನ್ಲಾ ಉಮೇದ್‌ನ್ಲಾ ಕೊರಡ್. ಅಪಗ ನಿಕುಲು ಮಾತೆರ್ಲಾ ಒಟ್ಟಾದ್ ಒಂಜೇ ಸ್ವರೊಟ್ಟು ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಅಮ್ಮೆಲಾ ದೇವೆರ್‌ಲಾ ಆದುಪ್ಪುನಾಯನ್ ಪುಗರುವರ್.

ಅಂಚಾಂಡ ಕ್ರಿಸ್ತೆ ನಿಕ್ಲೆನ್ ಸೇರಾವೊಂಡಿಲೆಕ್ಕನೇ ದೇವೆರೆ ಮೈಮೆಗಾದ್ ಒರಿಯನ್ ಒರಿ ಸೇರಾವೊನ್ಲೆ.

ಐತ ಪಗತೆಗ್ ನಮಡ್ ಪ್ರತಿ ಒರಿ ತನ ನಿರೆತಾಯನ್ ಎಡ್ಡೆಗಾದ್‌ಲಾ ನಂಬಿಕೆಡ್ ಬಲಪಡೆಪಾವುನೆಕ್ಕಾದ್‌ಲಾ ಮೆಚ್ಚಾವಡ್.