Popular Bible Verses from ರೋಮಾಯೆರೆಗ್ 14

Share

ದಾಯೆಗಂದ್ಂಡ ತಿನ್ಪಿನವುಲಾ ಪರ್ಪಿನವುಲಾ ದೇವೆರೆ ರಾಜ್ಯ ಅತ್ತ್. ನೀತಿಲಾ, ಸಮಾಧಾನಲಾ ಪರಿಶುದ್ಧಾತ್ಮಡ್ದ್ ಉಂಡಾಪಿ ಸಂತೋಷ ಆದುಂಡು. ಬೊಕ್ಕ ನಿಕುಲು ಈ ರೀತಿಡ್ ಕ್ರಿಸ್ತನ ಸೇವೆ ಮಲ್ಪುನಾಂಡ ನಿಕುಲು ದೇವೆರೆಗ್ ಮೆಚ್ಚೆಗೆದಾಕುಲು ಆದ್‌ಲಾ ನರಮಾನಿಲೆಗ್ ಯೋಗ್ಯದಾಕುಲುಲಾ ಆದುಪ್ಪುವರ್ ಆತೇ.

ನಮ ಬದುಕುವಡ ಕರ್ತವಗಾದ್ ಬದುಕುವ, ಸೈತ್ಂಡ ಕರ್ತವಗಾದ್ ಸೈಪ.

ಅಂಚಾದ್ ನಮ ಸಮಾಧಾನೊನ್ಲಾ ಒರಿಯಗ್ ಒರಿ ಭಕ್ತಿವೃದ್ಧಿಗ್ಲಾ ಅನುಕೂಲ ಆಪಿನೆನ್ ತೂವೊನುಗ.

ಐಕಾದ್ ನಮ ಒರಿಯನ್ ಒರಿ ತೀರ್ಪು ಮಲ್ಪುನೆನ್ ಉಂತಾಗ. ಐತ ಬದಲಿಗ್ ಸಹೋದ್ರಗ್ ದಂಟೆರೆಗಾವಡ್ ಪಾಪೊಡು ಬೂರ್ಯೆರೆಗಾವಡ್ ಆಪಿಲೆಕ್ಕ ಮಲ್ಪುನೆನ್ ಏಪಲಾ ಮಲ್ಪುಜ ಪಂಡ್ದ್ ತೀರ್ಮಾನ ಮಲ್ತೊನ್ಲೆ.

“ಎನ ಜೀವದಾಣೆ, ಮಾತೆರ್ ಎಂಕ್ ಅಡ್ಡಬೂರ್ವೆರ್. ಮಾತೆರ್ ಎನನ್ ದೇವೆರ್ ಪಂಡ್ದ್ ಅರಿಕೆ ಮಲ್ಪುವೆರ್,” ಪಂಡ್ದ್ ಕರ್ತವೆ ಪನ್ತೆ ಪಂಡ್ದ್ ಬರೆತ್ಂಡ್. ಅಂಚಾದ್ ನಮಡ ಪ್ರತಿ ಒರಿಲಾ ದೇವೆರೆ ಎದುರುಡು ಉತ್ತರ ಕೊರೊಡು.

ನಂಬಿಕೆಡ್ ಬಲಹೀನ ಇತ್ತಿನಾಕುಲೆನ್ಲಾ ಸೇರಾವೊನ್ಲೆ; ಆಂಡ ಅಕ್ಲೆನ ಎದರುಡು ಸಂಶಯದ ಸಂಗತಿಲೆನ್ ಚರ್ಚೆ ಮಲ್ಪಡೆ.

ನನೊರಿಯನ ಬೇಲೆದಾಯನ್ ತೀರ್ಪು ಮಲ್ಪೆರೆ ಈ ಏರ್? ಆಯೆ ತಪ್ಪುದಾಂತಿನಾಯೆ ಆದ್ ಉಂತುದೆಡಲಾ ತಪ್ಪುದಾಯೆ ಆದಿತ್ತ್‌ದ್ ಬೂರ್ದಿತ್ತೆಡಲಾ ಅವು ಆಯ ಯಜಮಾನಗ್ ಸೇರ್ದಿನವು. ಆಯೆ ತಪ್ಪುದಾಂತಿನಾಯೆ ಆದ್ ಉಂತುವೆ. ಆಯನ್ ಉಂತಾವೆರೆ ಕರ್ತವೆ ಶಕ್ತೆ ಆದುಲ್ಲೆ.