Popular Bible Verses from ಅಪೊ.ಕ್ರಿ 17

Share

ಜನೊಕುಲು ಆಯನ್ ನಾಡೊಡು ಅಂದ್‌ದ್ ದೇವೆರೆನ ನಿರೀಕ್ಷೆ ಆದಿತ್ತ್ಂಡ್. ಇಡೀ ಭೂಮಿಡ್ ನಿಲೆ ಮಲ್ಪಾದ್ ಒಂಜಿ ವೇಳೆ ಅಕುಲು ತಡವಾದ್ ತೆರಿಯೊನ್ವೆರ್ ಅಂದ್‌ದ್ ತನನ್ ನಾಡುನಾಕುಲಾದ್ ಮಲ್ತೆ. ಆಯೆ ಎಂಕ್ಲೆಗ್ ಏತ್ ಮಾತ್ರೊಗ್ಲಾ ದೂರ ಆತಿನಾಯೆ ಅತ್ತ್.

ಆಯೆ ಒರಿಯಡ್ದೆ ಮಾತ ಜನಾಂಗದಾಕುಲೆನ್ ಪುಟ್ಟಾದ್ ಅಕುಲಾಕುಲು ಉಪ್ಪೊಡಾಯಿನ ಕಾಲೊನ್ಲಾ ಅಕುಲಾಕುಲು ಉಪ್ಪುನ ಜಾಗ್‌ದ ಬರಿಲೆನ್ಲಾ ಅಕುಲಾಕುಲೆನ ಭೂಮಿದ ಕೊಡಿನ್ಲಾ ಗೊತ್ತು ಮಲ್ತ್‌ದೆ.

ಲೋಕೊನ್ಲಾ ಐಟ್ಟುಪ್ಪು ಮಾತ ವಸ್ತುಲೆನ್ಲಾ ಉಂಡು ಮಲ್ತಿನಾಯೆನೇ ಆ ದೇವೆರ್. ಆಯೆನೇ ಭೂಮಿ ಬಾನದ ಯಜಮಾನೆ ಆದುಲ್ಲೆ. ಆಯೆ ಕೈಡ್ದ್ ಕಟ್ಟ್‌ದಿನ ಗುಡಿಟ್ ಕುಲ್ಲುನಾಯೆ ಅತ್ತ್

ದಾಯೆಗಂದ್ಂಡ, ದೇವೆರ್ ನೇಮಕ ಮಲ್ತಿ ಒರಿ ನರಮಾನಿಡ್ದ್ ಭೂಲೋಕೊನು ನೀತಿಡ್ ನ್ಯಾಯತೀರ್ಪು ಮಲ್ಪೆರೆ ಒಂಜಿ ದಿನ ದೀತೆ. ಆಯೆ ಸೈತ್ ಪೋದು ಲಕ್ಕಿನೆಡ್ದಾವರ ನಂಬುನ ಮಾತೆರೆಗ್ಲಾ ಆಧಾರ ಕೊರ್ತೆ,” ಅಂದ್‌ದ್ ಪಂಡೆ.

“ಅಂಚಾಯಿನೆಡ್ದ್ ನಮ ದೇವೆರೆ ಸಂತಾನದಾಕುಲಾದುಪ್ಪುನಗ, ದೈವೊಲು ಜನೊಕುಲೆನ ಬಿರ್ಸಾದಿಗೆಡ್ದ್‌ಲಾ ಆಲೋಚನೆಡ್ದ್‌ಲಾ ಉಂಡಾಯಿ ಕೆಲಸೊಗು ಕೆತ್‌ದಿನ ಬಂಗಾರ್‌ಗಾವಡ್ ಬೊಳ್ಳಿಗಾವಡ್ ಕಲ್ಲ್‌ಗಾವಡ್ ಸಮ ಆದುಂಡು ಅಂದ್‌ದ್ ನಮ ಎನ್ನೆರೆ ಬಲ್ಲಿ.