Popular Bible Verses from ಅಪೊ.ಕ್ರಿ 16

Share

ಅಕುಲು, “ಕರ್ತವೆ ಆದುಪ್ಪು ಯೇಸುನ ಮಿತ್ತ್ ನಂಬಿಕೆ ದೀಲ, ಅಪಗ ಈಲಾ ನಿನ ಇಲ್ಲದಾಕುಲುಲಾ ರಕ್ಷಣೆ ಹೊಂದುವರ್,” ಪಂಡ್ದ್ ಉತ್ತರ ಕೊರಿಯೆರ್‌.

ನಡು ರಾತ್ರೆಡ್ ಪೌಲುಲಾ ಸೀಲೆಲಾ ಪ್ರಾರ್ಥನೆ ಮಲ್ಪುನಾಕುಲಾದ್ ದೇವೆರೆಗ್ ಸ್ತುತಿಪದ ಪನ್ನೊಂದಿತ್ತೆರ್; ಬೇತೆ ಸೆರೆಮನೆಟಿತ್ತಿ ಜನೊಕುಲು ಮನಸ್ ಕೊರ್ದು ಕೇನೊಂದಿತ್ತೆರ್. ಅಪಗನೆ ಮಲ್ಲ ಭೂಕಂಪ ಆಂಡ್. ಸೆರೆಮನೆತ ಬುನಾದಿ ಅದ್‌ರ್ಂಡ್. ಬಾಕಿಲ್ ಜತ್ತ್ಂಡ್ ಮಾತೆರೆನ ಕೈಕಾರ್‌ಗ್ ಕಟ್ಟ್‌ದಿನ ಮರತ ತುಂಡು ಕದೆಲ್‌ದ್ ಬೂರುಂಡು.

ಬೊಕ್ಕ ಅಕ್ಲೆನ್ ಪಿದಯಿ ಲೆತ್ತೊಂದು ಬತ್ತ್‌ದ್, “ಸ್ವಾಮಿಲೇ, ಎಂಕ್ ರಕ್ಷಣೆ ತಿಕ್ಕೊಡಾಂಡ ಯಾನ್ ದಾನೆ ಮಲ್ಪೊಡು,” ಅಂದ್‌ದ್ ಕೇಂಡೆ.

ಸೆರೆಮನೆತ ಅಧಿಕಾರಿ ನಿದ್ರೆಡ್ದ್ ಲಕ್ಕ್‌ದ್ ಸೆರೆಮನೆತ ಮಾತ ಬಾಕಿಲ್ ಜತ್ತ್‌ದುಪ್ಪುನೆನ್ ತೂದು ಕೈದಿಲು ಪೂರ ತಪ್ಪಾವೊಂದು ಬಲ್ತ್ ಪೋಯೆರ್ ಅಂದ್‌ದ್ ಎನ್ನಿಯೆ, ತನ ಕೈಟ್ ಇತ್ತಿನ ಕತ್ತಿನ್ ಪತ್ತೊಂದು ಪ್ರಾಣಹತ್ಯ ಮಲ್ಪೊಡು ಪಂಡ್ದುಪ್ಪುನಗನೆ ಪೌಲು ಆಯಗ್, “ಈ ದಾಲಾ ನಿನ ಜೀವೊಗು ಅಪಾಯ ಮಲ್ತೊನಡ. ಎಂಕುಲು ಮಾತೆರ್ಲಾ ಮೂಲೇ ಉಲ್ಲ,” ಅಂದ್‌ದ್ ಬೊಬ್ಬೆ ಪಾಡ್ದ್ ಪಂಡೆ.