Popular Bible Verses from इफिसुस 4

Share

एक दुसरा प दया कर्या करो अर जंय्यां परमेसर ईसु मसी म थारा बुरा कामा ताँई थानै माफ कर्यो ह बंय्‍यांई थे बी एक दुसरानै माफ करो।

सगळी बाता म खुदनै छोटो बणार नरमाई समेत, थ्यावस राख'र प्यार-परेमऊँ एक दुसरा की सेण करो

कोईबी बुरी बात थारै मुंडाऊँ नइ निकळै पण दुसरा को भलो करबाळी बाता बोलो जिऊँ सुणबाळा की जुर्ता पूरी होवै अर बाको भलो होवै।

इ ताँई थे सगळी कड़वाट, परकोप, झाळ, कळै, दुसरा की बुराई करबाऊँ अर दुसरा की हानी करबाऊँ दूर रेह्‍ओ।

थे झाळ तो काडो, पण पाप मना करो; सूरज ढळबाऊँ पेली थारी झाळ खतम होणी चाए। अर सेताननै मोको मना द्‍यो, की बो थानै पाप म गेरै।

थे थारा पुराणा सुभावनै छोडद्‍यो जखो धोको देबाळी इछ्या गेल चालर थारो नास करर्यो हो। क्युं क थे तो पक्काई ईसु क बारां म सुण्या हो अर जखो सच बिमै ह बोई थानै सीखायो गयो, अर मन आत्मा म नया बणता जाओ, अर नएड़ा सुभावनै पेरल्यो जखो सची धारमिक्‍ता अर पबितरता म परमेसर की जंय्यां ओज्यु नयो करेड़ो ह।

अर मेळमिलाप का बंदणऊँ पबितर आत्मा को एको राखबा ताँई जोक्यु कर सको बो करो।

बोई क्युंकनै तो भेजबा ताँई भेजेड़ा चेला बणार, क्युंकनै परमेसर की खेबाळा बणार, क्युंकनै चोखा समचार को हेलो पाड़बा ताँई, क्युंकनै बिस्वास्या की बिस्वासी मंडळी की रूखाळी करबाळा अर परमेसर की सीख देबाळा बणार टाळ लिआ। बो अंय्यां मसी की कायानै मजबूत करबा अर परमेसर का मिनखानै मसी की सेवा ताँई त्यार करबानै कर्यो। जद ताँई आपा सगळा बिस्वास अर परमेसर का बेटा की जाण-पिछाण म एक नइ होज्यावां, अर पक्का मिनख बणर मसी का रूप म पूरा नइ बढ ज्यावां।

जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां। पण इकी बजाय आपानै प्यार-परेमऊँ सचाईनै बतार सगळी बाता म मसी म बढणो चाए। आपा बिस्वास्या को सीर मसी ह, जिमै सगळी काया का न्यारा-न्यारा अंग एक सागै जुड़्या रेह्‍वै। आ सगळी काया जोड़ा की मददऊँ एक सागै जुड़री ह। इ ताँई जद काया का अ न्यारा-न्यारा अंग प्यार-परेमऊँ आपको काम करै जणा सगळी काया मजबूती क सागै बढै ह।