Popular Bible Verses from Apacailipsis (Taispeántadh) 3

Share

Seo mé i mo sheasamh ag an doras, agus mé ag bualadh air; má chloiseann aon duine mo ghuth agus an doras a oscailt dom, tiocfaidh mé isteach chuige agus beidh bia agam fairis agus aige-sean faram-sa.

Is eol dom dʼoibreacha, nach fuar thú agus nach te. Och nach fuar nó te thú! De bhrí go bhfuil tú alabhog, gan a bheith fuar ná te, táim chun tú a sceitheadh as mo bhéal amach.

An lucht dá dtugaim grá, ceartaím agus smachtaím; bí díograiseach, uime sin, agus déan aithrí.

Is eol dom dʼoibreacha. Féach! Chuir mé doras ar leathadh romhat, nach féidir dʼaon duine a dhúnadh, óir is beag é an neart atá agat ach choinnigh tú mʼfhocal agus níor shéan tú mʼainm.

An té a bheireann bua, tabharfaidh mé cead dó suí taobh liom i mo rí-chathaoir, faoi mar a bhí an bua agam-sa agus gur shuigh mé taobh le mʼathair ina rí-chathaoir-sean.

Óir deir tú: “Táim saibhir, táim faoi chonách, níl aon easpa orm”; agus gan a fhios agat go bhfuil tú dearóil, truamhéalach, bocht, dall, gan éadach.

De bhrí gur choinnigh tú focal mʼfhoighne, coinneoidh mise thusa ó uair an chathaithe, atá le teacht ar an domhan go léir, chun lucht áitrithe an domhain a phromhadh.

Ní fada go dtiocfaidh mé; coinnigh do ghreim ar a bhfuil agat, i dtreo nach sciobfaidh aon duine do choróin.

Dúisigh agus neartaigh a bhfuil fágtha agus ar tí báis, óir ní bhfuair mé dʼoibreacha foirfe os comhair mo Dhé.