Popular Bible Verses from Eabhraigh 2

Share

Agus anois ós rud é gur fhulaing sé féin nuair a cuireadh cathú air is féidir leis cabhrú leo siúd a gcuirtear cathú orthu.

Dá bhrí sin, ós rud é go bhfuil nádúr daonna ag an gclann go léir, ghlac seisean an nádúr céanna sin. Rinne sé é sin chun an té a bhfuil an bás faoina cheannas, is é sin, an diabhal, a scriosadh trína bhás féin

Ní mór dúinn, mar sin, aird níos mó ná riamh a thabhairt ar a bhfuil cloiste againn le heagla go n-imeoimis le sruth.

Mar sin de, níorbh fholáir dó a bheith cosúil lena bhráithre i ngach slí ionas go mbeadh sé ina ard-sagart trócaireach dílis i seirbhís Dé a dhéanfadh cúiteamh leis i bpeacaí an phobail.

Is é rud a fheicfimid, áfach, ná Íosa–an té a rinneadh níb ísle ná na haingil ar feadh tamaillín i ngeall ar an mbás a dʼfhulaing sé–agus é faoi choróin ghlóire agus onóra; mar is trí ghrásta Dé a dʼfhulaing sé an bás ar mhaithe le cách.