Popular Bible Verses from 1 Corantaigh 13

Share

Bíonn an grá foighneach agus bíonn sé lách; ní bhíonn éad air; ní dhéanann sé maíomh ná mórtas; ní bhíonn sé mímhúinte ná leithleasach, míchéadfach ná agrach.

Bíonn sé lán dʼfhadfhulaingt, lán de chreideamh, lán de dhóchas agus lán dʼfhoighne.

Ní háil leis an éagóir ach is aoibhinn leis an mhaith.

Tá trí ní ann atá buan, más ea, creideamh, dóchas agus grá, ach is é an grá an ní is mó orthu-san.

Rachaidh an fháidheoireacht ar ceal, rachaidh na teangacha dá dtost, agus rachaidh an t-eolas ar neamhní, ach ní rachaidh an grá i léig go deo.

Má labhraím i dteangacha daoine agus aingeal ach gan aon ghrá a bheith agam, níl ionam ach mar a bheadh prás ag fuaimneach nó ciombail ag clingeadh.

Má tá bua fáidheoireachta agam, eolas ar gach rúndiamhair agus fios gach ní agam agus a oiread lánchreidimh agam agus a dʼaistreodh na sléibhte ach gan aon ghrá a bheith agam, is neamhní mé.

Má roinnim amach mo mhaoin shaolta go léir, agus má thugaim suas mo chorp le dó ach gan aon ghrá a bheith agam, ní haon tairbhe dom é.

Fad a bhí mé i mo leanbh, bhí caint agus meon agus réasún an linbh agam, ach ar mʼéirí suas i mʼfhear dom, dʼfhág mé bealaí an linbh i mo dhiaidh.