Popular Bible Verses from 1 Corantaigh 11

Share

Mar an gcéanna tar éis na proinne thóg sé an cupán ag rá: “Is é an cupán seo an nuachonradh i mo chuid fola. Déanaigí é seo mar chuimhne orm a mhinice a ólfaidh sibh é.” A mhinice, más ea, a itheann sibh an t-arán seo agus a ólann sibh an cupán, bíonn sibh ag fógairt bhás an Tiarna nó go dtiocfaidh sé.

Is é fios a fuair mé féin ón Tiarna agus a thug mé daoibhse: mar atá, an oíche a bhí an Tiarna Íosa le tabhairt ar láimh, thóg sé arán agus, ar altú dó, bhris agus dúirt: “Is é seo mo chorp atá le tabhairt suas ar bhur son; déanaigí é seo mar chuimhne orm.”

Déanadh duine é féin a scrúdú mar sin sula gcaitheann sé an t-arán agus sula n-ólann sé as an gcupán, mar an té a itheann agus a ólann gan corp an Tiarna a aithint, is é a dhaoradh féin a itheann agus a ólann sé.

Dá chionn sin, duine ar bith a chaitheann an t-arán nó a ólann cupán an Tiarna go míchuí beidh sé ciontach i gcorp agus i bhfuil an Tiarna.

Déanaigíse aithris orm-sa mar a dhéanaimse aithris ar Chríost.