Popular Bible Verses from Roma 5

Share

Wano Kiristo ga ta mseediq niqan qnquwan noda ciida we wada pririh ita mhuqil. So nii we gisu pgkela gnaalu Utux Baro ita ka nii.

Kiya de sntangan we ini ppeyah mpkpehing lnglungan. Ado mnoda Bgihur Utux bnege na ita ma wada sheruy lhebun ta ka gnaalu Utux Baro.

Uxe wano kiya, qrasun ta bale ka mooda ta mqraqil uri. Ado klaun ta, mqraqil we ppeyah knremun. Knremun we ppeyah knkere pntlaman. Knkere pntlaman we ppeyah sntangan.

So kiya de ado mnoda snhiyan ta ngalan ta na uka qnquwan noda ka ita we mnoda ta Bukung ta Yesu Kiristo dehuk ta msbleyaq quri Utux Baro. Spooda ta heya duri ma pneeyah snhiyan we, wada tana pstmaun huwe nii ta hyegan saya. Kiya uri ma qrasun ta bale sntangan ta knledax Utux Baro!

Muuwic ta ciida nana ciida we, moda ali seengan na pririh mhuqil naqah seediq ka Kiristo.

Saya, ado ka mnoda ta dara na wada ta na ngalan uka qnquwan noda ma, mnoda ta pdoi baga Kiristo de uxe ta maangal seang Utux Baro.

Ado ini thei ka 1 seediq de wada kesun seediq niqan qnquwan noda ka kana hbaro seediq. Mntena so nii uri, moda muyu bale ka 1 seediq de wada kesun uka qnquwan noda ka hbaro seediq duri di.

Uxe wano kiya, ado mnoda Bukung ta Yesu Kiristo wada ta msbleyaq Utux Baro de mooda ta heya mqaras Utux Baro uri.