Popular Bible Verses from Roma 14

Share

Ado uxe quri mimah ma mekan ka qnlhangan Utux Baro, wano quri msderux ooda, msbale ma qaras ckceka Bgihur Utux. Mooda so nii qmeepah quri Kiristo we qrasun Utux Baro ma tndhuun seediq uri.

Nasi ta muudus we Bukung ka skuudus ta. Nasi ta mhuqil we Bukung ka shuqil ta. So kiya de ani ta muudus ma ani ta mhuqil we nseediq ta Bukung ka ita.

Maanu so kiya de bhragi ta ka mtbale ma mppheyu kntmaan.

Maanu so kiya de iya ppsgao ka yamu. Iya ta posa skrbutan ma ktkuran mtswai ta.

Ga spatis Patis: “Rmengo ka Bukung: ‘Psdehu ku uka psteqan mu. Mptbqelic thmuku yaku ka hbaro bale bqelic seediq. Mpqaras Utux Baro ka hbaro bale quwaq.’” Maanu so kiya de txtaxa ta we mpsneru ta ndaan ta nanak berah Utux Baro.

Psteme ka muuwic snhiyan na. Ini pntena ka lnglungan namu we iya pkeekan kari.

Ima su ka isu ma su so nii psgao tnqliyan taxa seediq ho? Ani mheyu ma mtakur ka heya we ida ga hiya ka tnpusu sapah na nanak. Ida mpheyu bale ka heya. Ado mtduwa pheyu heya ka Bukung.