Popular Bible Verses from Pntuura 5

Share

Muuyas bgurah uyas ka dheya. Muuyas: “Wano isu ka mndungus mangal pnatis, mndungus rmaguh 7 ngayan pnskraya. Ado wada phqilun ka isu, dmoi su dara su nanak, maruy su seediq pneeyah knkingal klegan pnswayan rudan, knkingal klegan kari, knkingal klegan seediq ma, knkingal qlhangan. Kiya de bege su Utux Baro ka dheya.

Paru quwaq daha muuyas: “Wawa miric wada phqilun we, mndungus mangal pusu beyax, qnbleyaq, knkela, beyax, paru spruun, knledax ma, tndhuun.”

Dheya we wada su ngalan seediq ma mpsapuh nuUtux Baro ta. Mpdoi beyax qbsuran paru bobo dxeral ka dheya.”

Ga mu bhangun uri ka kana ga meniq karac baro, dxeral, toma dxeral, ckceka rcilung ma, ckceka karac ma dxeral we, ga rmengo kana: “Tai so tndhuun, paru spruun, knledax ma, pusu beyax, maha bege ga tleung tluungan ma wawa miric, betaq ani knuwan!”

Rmengo kenan ka 1 rudan mpqlahang: “Iya lingis, Tai, wada mbeyax ka rkelic rudu pneeyah 1 klegan Yehudah pnswayan rudan. Heya we gamil Dawid, mtduwa rmaguh pnatis ma, rmaguh 7 ngayan pnskraya.”