Popular Bible Verses from Pntuura 3

Share

Tai, mheyu ku rhengun ma tmatuk ku. Nasi mbahang hrenang mu ma rmaguh rhengun we, mpteme ku hiya. Yaku ma heya, heya ma yaku mpsuupu nami mekan ido.

Klaun mu ka ndaan su. Ini su ktleetu ma ini su ktilux uri. Nasi su ba mtleetu uxe uri we nasi su mtilux. Nasi mntena su so qsiya muuxul, ini ktletu ma ini ktilux. Kiya de pberih su mu peeyah quwaq mu.

Kana sgaalu mu we, ida mu psruun tmgesa. So kiya de, kdrumuc ka isu ma pryuxi lnglungan su uri.

Klaun mu ka qneepah su. Tai, wada mu psaun berah su ka rhengun ga mtraguh. Kiya ka uka seediq mtduwa meluk. Klaun mu niqan su biciq beyax, muyu su kari mu uri. Ini su dqwani ka ngayan mu.

Wada mbeyax we, bege mu heya ka mptheyaq tleung tluungan mu. Mntena so Yaku we wada ku mbeyax, mtheyaq ku tleung tluungan Tama mu.

Rmengo su ka isu: Yaku we mbleyaq ku, wada egu qnbleyaq su da ma, uka ka ini knttuku. Kiya we ini su klai ka mqraqil su, so sgaalu, qrinuc, mbudu ma, mbberas.

Ado wada su ndwaun muyu ka kari quri ndaan mu knremun. Qnlhangan su mu ali psengan mmeyah kana bobo dxeral ppseung na kana seediq.

Asi ku eyah. Ndwai dmoi ka ga su dooyun. So uxe yahun gmeeluk seediq ka bunuh su lmedax.

Kiiyo ka isu, pgdehu ka mnsngari na, uxe beyo mphuqil. Ado mita ku qneepah su we, uka ani 1 ka mttuku na meniq berah Utux Baro.