Popular Bible Verses from Pntuura 16

Share

Tai! Yaku we maha ku mntena so mpgeeguy meyah. So ka miiyo ma, mnlukus lukus na we niqan mbleyaq. Uxe mbberas mkkesa, uxe mpqita ka seediq qnsiqa na.

Wada ka tg6 snkgulan baro, mosa mopux pngerah bobo Euhrates paru yayung. Kiya de asi kdengu ka yayung. Kiya de gisu psramal elu qbsuran paru mmeeyah pneeyah nklaan hido.

Dheya we bgihur dbgihur naqah ma qmeepah pnskraya. Mosa dqbsuran paru bobo dxeral hiya, mosa psseli dheya mptgdiyal paru ali nuUtux Baro Mdoi Kana Beyax.

Taan mu dungal 3 bgihur mrutiq. Mntena qpatur cmnriyu pneeyah quwaq quyu ubung, pneeyah quwaq camac ma, pneeyah quwaq mnnangi mpgeela kari.

Gisu thdagun kntlexan hido ka seediq, kiya de smngayan ngayan Utux Baro kiya ka ga dmoi pusu beyax qmlahang pqnaqah nii. Ini kmpriyux lnglungan ka dheya, ini daha biqi Utux Baro ka knledax uri.

Wada ka tgkingal snkgulan baro, mosa maux bobo dxeral. Kiya de dseediq niqan ngayan pnskraya ma thmuku tikung camac na we, hmeru luqah skenux ma melux ka heyi daha.

So kiya de, 3 bgihur mrutiq nii we, psliun na Harmagedon kesun kari Hiburu ka dqbsuran paru.