Popular Bible Verses from Mikah 4

Share

Kana qlhangan we mooda ngayan utux daha nanak qmeepah, kiya we yami we mpstama miyan ngayan Utux Tmninun, Utux Baro miyan meepah ka yami, betaq ani knuwan.

Mpquri hiya ka hbaro seediq ma, mprengo: “Aguh! Suupu ta mosa dgiyaq Utux Tmninun, osa ta sapah thmkuwan Utux Baro meeniq Yakobu. Mptgesa elu na ita ka heya, kiya we mooda ta elu na ka ita uri. Ado mpeeyah Sion ka tnugesa, mpeeyah Yerusalem ka kari Utux Tmninun.

Ali bobo na hiti, mpskere mheyu ka dgiyaq sapah thmkuwan Utux Tmninun, hmrinas ddgiyaq, mpgkala kana ddgiyaq. Meeyah quri dgiyaq nii ka kana klegan seediq.

Heya we moda psgao ckceka egu klegan seediq, moda psaanak malu ma naqah ckceka dqnlhangan mbbeyax ga theya. Slmeun daha parih ka hlmadac, snmalu daha kawir ka smbrangan. Uxe mdoi hlmadac mccebu qlhangan kiya ka qlhangan nii, kiya we uxe moda smluhe mccebu ka dheya.