Popular Bible Verses from Matay 24

Share

Maanu so kiya de mrana ka noda sseeliq daha gaya de mptletu ka gnaalu hbaro seediq da. Kiya de so ka seediq knremun betaq qnhdean we pkdusun.

Malu kari quri Qnlhangan Baro nii we sai gmarang kana mtqiri qnlangan. Pgkela na kana seediq qnlhangan. Bobo na hiya de meeyah ka qnhdean.”

Bhangun namu ka mccebu ma hrenang gaga mccebu. Qlahang ba, iya skluyi. Ado ida maha mpniqan ka so nii. Ani so kiya uxe qnhdean nana.

Klegan seediq mtgdiyal klegan seediq, qnlhangan mtgdiyal qlhangan. Ani inu maha niqan krayan ma runu. Kana so nii we kiya ka prdingan ba mqraqil.

Mpkuuka ka karac ma dxeral. Kiya de kari mu we uxe mpkuuka ani betaq knuwan.”

Ado maha hbaro ka seediq mberiq pooda ngayan mu. Mprengo: ‘Yaku ka Kiristo.’ Kiya de mpsridil hbaro ba seediq.

Ciida, trqilun namu daha ma phqilun namu daha. Dungal we ririh yaku ka pqnqihun namu daha kana qlhangan. Ciida, maha hbaro ba ka seediq mpktakur. Mpseeliq namu ma pkmpais. Dungal we meeyah ka hbaro mnnangi mpgeela kari ma mpsridil hbaro ba seediq.

Cmiyuk rmengo dheya ka Yesu: “Qlahang ka yamu, so uxe ppsridil yamu ka seediq.

Maanu so kiya de yamu uri we asi ka bleyaq psramal. Ado ini namu klai ka eeyah na ciida ge kika yahun Laqi seediq.”

Maanu so kiya de kiiyo. Ado ini namu klai ka ali eeyah Bukung namu.

“Ali ciida ma ya knuwan we ani ima ini kela. Ani snkgulan ga baro uri ma Laqi seediq uri we ini kela. Wano Tama nanak ka mkela.

Ado mptutuy ka uxe bale ba Kiristo ma uxe bale ba mpgeela kari pqita paru ba pnskraya ma sklwiun ba qneepah. Kiya ge nasi mtduwa we maha psridil seediq gneegan Utux Baro.

Ado so kenu ka ali Noax ciida, maha so ali kiya ka ali eeyah Laqi seediq uri. Ali berah srnecux ciida, seediq bobo dxeral we ida mekan, mimah, maangal mqedil ma mosa rseno, betaq ali mremux asu ka Noax ciida. Ini kkela ciida, meyah ka rnecux ma wada desun rnecux kana ka dheya. Maha so nii ka ali eeyah Laqi seediq uri.