Popular Bible Verses from Yehosua 1

Share

Uxe ku rmnengo isu peni? Kbeyax ma pniqi pahung ka isu. Iya kiicu ma, iya pkrkerang uri. Ado mosa su ani inu we, Utux Tmninun, Utux Baro su ka mptheyaq sunan.”

Iya psthyai peeyah quwaq su ka patis gaya nii. Ani keeman ani diyan lngelung bale. So su maha tleus muyu kana kari pnatis patis nii. So kiya de, msleelu bale ka noda su elu ma, kana noda su we maha mttuku.

Wano ba kbeyax pniqi paru pahung, tleus muyu kana gaya tnugesa Moseh tnqliyan mu. Iya bale kridil, kiya de ani inu ka ssaun su we maha su dehuk moda.

Kana ali kndesan su we, uka seediq ka dehuk mheyu berah su. Hmuwa ku mesa mtheyaq Moseh we, maha ku so kiya mtheyaq sunan uri.

Kbeyax ma pniqi pahung ka isu. Ado mpdudul su dseediq mu maha maangal dxeral. Kiya ka dxeral sndhegan mu dpusu rudan daha ma bbege mu dheya.

Kana dxeral qnlqahan qapal papak namu we, spoda mu kari sntangan mu Moseh bbege mu yamu.

“Moseh tnqliyan mu we wada mhuqil da. Saya tutuy ka isu ma kana seediq mtaril yayung Yarden, pquri dxeral bbege mu seediq Israel hiya.

Bobo wada mhuqil ka Moseh tnqliyan Utux Tmninun de, Utux Tmninun we rmengo Yehosua laqi Nun mdayo Moseh

Peeyah tadus brenux ma Lebanon nii, betaq yayung Paru, kiya ka yayung Euhrates, kana dxeral seediq Xet. Dungal uri we mpquri pryaxan hido yayung paru.

Ani ima wada tbrinah kari rnengo su ma, ini qbahang kana kari rnengo su dheya we, asi su ka phqilun. Wano knbeyax ma pniqi pahung ka isu!”

“Oda mtqiri kobu rmengo seediq: ‘Psramal uqun, ado mk3 ali de mptaril namu yayung Yarden ma mpremux namu maangal dxeral bnege Utux Tmninun, Utux Baro namu ka yamu.’”