Popular Bible Verses from Dmpsgao 16

Share

Rmengo ka Delilah: “Simson, nii meyah qmerac sunan ka seediq Peliset da!” Mtutuy ka Simson ma rmengo: “Pntnae mu so ndaan dungal, plhlaho mu ka heyi mu.” Kiya we ini na klai wada smtheya heya ka Utux Tmninun.

Dmurun Utux Tmninun ka Simson: “Utux Tmninun Bukung! Ani su ba rabang. Qtai ku ba bale! Utux Baro! Wano ba texal nii, biqi ku beyax, tai so cciyuk mu seediq Peliset wada qmrequr maangal 2 doriq mu.”

Hiti ba de asi na tgsai Delilah ka lneing kana lhebun na. Rmengo heya ka Simson: “Uka ba ka seediq dmnoi tapan matak snuunux mu. Ado peeyah ku mntuting ma seediq Najir ka yaku. Nasi matak snuunux mu ka seediq de, asi latac peeyah heyi mu ka beyax. Kiya de maha su so seediq mpkuuka ku beyax.”

Ali knteetu rmengo ma smiling ka Delilah. Kiya de smhngeras riyung ka lhebun na.

Kiya de rmengo: “Pspui ku ptheyaq seediq Peliset mhuqil!” Nii beyax na cmikul ma, betaq mtakur ka sapah thmkuwan. Wada mirik dqbsuran mdudul ma kana dseediq mneniq ckceka hiya. So kiya de, mgkala muudus pnhuqil na mhuqil ciida ka Simson.