Popular Bible Verses from Hiburu 13

Share

Iya sgcuqi smkuxul pila, ngali so mttuku ka nangal namu. Ado rmnengo ka Utux Baro: “Ida ku uxe malix sunan ma, uxe ku mqada sunan uri.”

Yesu Kiristo we ciga, ali saya ma, betaq ani knuwan we ida mntena.

Maanu so kiya de, mtduwa ta mnpahung riyung rmengo: “Mdayo kenan ka Bukung, uxe ku mpkiicu. So kiya de mphuwa kenan ka seediq ho?”

Kiya de iya chngii ka qqeepah malu ma ppbege. Ado snapuh so nii we qrasun Utux Baro.

Ita we pdai ta Yesu, ngale ta snapuh ka ttndahu ta klaali bege ta Utux Baro. Nii we gnhei quwaq dseediq gmarang ngayan na.

Quri so msterung we, kana yamu we asi ka spruun namu. Qlapo tnqiyan namu we iya srtiqi. Ado seediq mmhemuc msuupu mtaqi ma mhumuc mtheyaq we, pkdraun Utux Baro.

Iya chngii smbleyaq psteme sapah namu ka seediq mtnooda. Ado wada so nii moda ka duma seediq de, ini ta klai yaa snkgulan baro ka ga daha sbleqan.

Tai so Utux Baro mbege mtbale lhebun we, kiya ka Utux Baro spooda na dara pnsdhegan ani knuwan ptutui paru mtabu miric Yesu Bukung ta peeyah hnqilan. Mosa mpttuku yamu quri kana malu ooda, so namu maha muyu lnglungan na. Kiya uri we mooda Yesu Kiristo meniq ckceka ta meepah ooda qqrasun na. Tai so knledax we maha nHeya betaq ani knuwan. Ameng!