Popular Bible Verses from Yexejqel 18

Share

Ini ku skuxul mhuqil ka seediq ani ima. Maanu so kiya de, asi brinah, asi ging kndesan! Rnengo Utux Tmninun Bukung ka nii.”

Wano ba niqan qnquwan noda we, asi ka mphuqil. Ini paani laqi ka qnquwan noda tama ma, ini paani tama ka qnquwan noda laqi uri. Gnheyi malu noda dseediq msderux we, maha heya nanak. Qnnaqah cniyuk qnnaqah seediq we, ida maha heya nanak uri.

Laxi kana ka qnquwan noda namu ma, smlei bgurah lhebun ma bgurah bgihur namu nanak. Sapah Israel! Ma namu migin mphuqil ho?

Mphuqil ka seediq naqah we, yaa mu so kuxul ka so nii peni? Uxe mbrinah malix noda na, betaq muudus ka heya we, kiya ka kuxul mu peni? Rnengo Utux Tmninun Bukung ka nii.

Nasi malix ani maanu qnquwan noda na ka naqah seediq, muyu kana kari pndakar mu, mooda ini psaanak ma msderux noda de, ida mpkuudus ka heya ma, uxe mphuqil.

Mnduwa mooda pnugaya mu, muyu gaya ppsgao mu ma, bale ba mooda ooda. Seediq nii we kiya ka msderux noda, mpkuudus kiya. Rnengo Utux Tmninun Bukung ka nii.”