Popular Bible Verses from Mege Gaya 28

Share

“Nasi su thei mbahang kari Utux Tmninun, Utux Baro su, tleus muyu kana gaya pndakar na, kiya ka rnengo mu isu saya de, phrnasun namu na kana icil qnlhangan.

Nasi su Thei mbahang kari Utux Tmninun, Utux Baro su, kana snbleqan nii we meyah heyi su kana ma, psnegul sunan

Nasi su thei mbahang gaya pndakar Utux Tmninun, Utux Baro su, kiya ka rnengo mu sunan saya, tleus su muyu de, maha su meniq berah uxe su meeniq bukuy, meeniq su baro uxe su meeniq toma ka isu.

Utux Tmninun we, mpraguh knmalu pneeyah karac baro, mpooda pndungus mpquyux dxeral su. Mpbleyaq kana noda baga su ka heya. Tduwa su kbrexun dqnlhangan ka pila su ma, uxe su mmaha kmbarux ka isu.

Utux Tmninun we mptutuy mccebu pais su ma, uxe baka meniq berah su. Dheya we mpooda 1 elu meyah cmebu isu. Kiya de mpqduriq moda 7 elu berah su ka dheya.

Mpbleyaq sunan ka Utux Tmninun, Utux Baro su quri repun su ma, kana noda baga su. Utux Tmninun, Utux Baro su we mpbleyaq sunan meniq dxeral bnege na sunan.

Mosa su nganguc we maangal su smbleqan. Mremux su we maangal su smbleqan uri.

Maangal su snbleqan meniq alang, maangal su snbleqan meniq qnpahan uri.

Maangal snbleqan kana ka pnttingan su, gnhei dxeral su, tnbugan su, dapa ma, miric su.

Nasi su thei gaya pndakar Utux Tmninun, Utux Baro su, muyu elu na de, heya we mpuyu sndhegan na sunan mmaha seediq mrtaso nheya ka isu.

Maangal smbleqan ka bruru ma gmteruc nemu mugi su uri.

Meniq su dxeral pnstangan na pusu rdrudan bnege na sunan ka Utux Tmninun we, maha msngari bale ka pnttingan su, pnttingan tnbugan ma, gnhiyan dxeral su.

Qmita ga su meniq ngayan Utux Tmninun ka seediq bobo dxeral de, mpkiicu isu ka dheya.

Iya psridil ma iya tbrinah kana kari rnengo mu isu saya. Kiya uri we iya snegul utux icil ma, thmuku heya.”

“Netun su ini qbahang kari Utux Tmninun, Utux Baro su, ini su tleus muyu kana gaya pndakar ma kari pndakar na. Kiya ka rnengo mu isu saya. Kana sniyus we meeyah heyi su ma, mpsnegul sunan