Popular Bible Verses from 2 Qbsuran Paru 4

Share

Rmengo heya ka Elisa: “Mphuwa ku mesa dmayo sunan ho? Tgsai ku niqan maanu ka sapah su?” Rmengo ka heya: “Sapah tnqliyan mqedil su we wano ba 1 rusuq abura de, uka ani maanu.”

Meyah lmingis dmurun Elisa ka mqedil tnugsaan dmpgeela kari ma, rmengo: “Tnqliyan su, rseno mu we wada mhuqil da. Heya we, ida miicu ba Utux Tmninun we, ida su klaun bale. Saya, niqan ka meyah mesa knbrexan ka dheya ma, ngalun daha tnqliyan ka 2 laqi mu.”

Rmengo heya ka Elisa: “Osa nganguc ma, osa kmbarux egu psaan gaga ini psai. Keegu hari ka knbrexan su.

Bobo na de, brinah mosa sapah su ma, lebi ka rhengun. Isu ma laqi su rseno we, angal ka abura ma hrgaani kana psaan, stenge na de posa icil kiya da.”

Stenge kana ka psaan de, rmengo laqi na: “Biqi ku hiya psaan na.” Rmengo heya ka laqi na rseno: “Uka psaan da.” Kiya de msetuq ka abura da.

Mqedil nii ge, mosa rmengo seediq Utux. Rmengo heya ka seediq Utux: “Sai gmbaruy ka abura ma prrhani kusa su. Msngari na de tduwa pkuudus isu ma 2 laqi su rseno kiya.”

Kiya de mqedil mqrinuc we mlatac Elisa. Lebun na ka rhengun ma, rhugan na sapah toma ka heya ma laqi na rseno. Sbege daha heya ka ppsaan, kiya de sheruy na ka abura.

Mosa taapa bobo heyi laqi ka heya, pstrengun na ka quwaq na ma quwaq laqi, doriq na ma doriq laqi, baga na ma baga laqi. Taapa bobo heyi laqi ka heya ma, prading muuxul ka heyi laqi da.