Popular Bible Verses from 1 Samuel 17

Share

Rmengo seediq Peliset ka Dawid: “Meyah su murung kenan we, smtama su hlmadac ma smbrangan. Kiya de murung ku sunan we, smtama ku ngayan Utux Tmninun Mdoi Kana Supi, kiya ka Utux Baro ga su ksengun ma dmnudul supi Israel.

Dungal we so maha mkela ka kana seediq hini, Utux Tmninun ka pkbeyax seediq. Uxe mdoi hlmadac ma smbrangan, ado kana pusu mccebu we Utux Tmninun. Maha na sbege baga nami ka yamu.”

Rmengo ka Dawid: “Dmnoi baga mu peeyah rkelic rudu ma sume ka Utux Tmninun. Heya we ida mdoi baga mu peeyah baga seediq Peliset nii uri.” Rmengo Dawid ka Soro: “Un, Osa! Mptheyaq sunan ka Utux Tmninun.”

Ali saya, Utux Tmninun we maha na sbege baga mu ka isu ma, asi su mu ka phqilun ka isu ma, slapun mu ka tunux su. Ali saya, bege mu qbheni ga karac ma camac ga mkkesa ka heyi supi Peliset su. So maha mkela kana ka seediq bobo dxeral, niqan Utux Baro ka Israel.

Dmoi hukuc ka baga na ma, mosa gmao mangal 5 quru btunux mdheriq ba peeyah ayu ruru ma psaun na lubuy. Kiya ka lubuy ddesun seediq mtabu miric. Maadis snuyuk urac qqada na btunux ma, mosa smterung seediq Peliset kiya ka heya.

Rmengo Soro ka Dawid: “Iya kuuwic peyah seediq Peliset kiya ka yamu. Tnqliyan su we, asi ka mosa tgdiyal heya.”