Popular Bible Verses from 1 Qbsuran Paru 3

Share

Maanu so kiya de ani su ba rabang. Biqi tnqliyan su ka kkela lmngelung, so mu klaun psgao ka seediq su ma, ppsaanak qmita malu ma naqah. Nasi uxe so kiya de huwa mu kesun psgao ka dseediq su nii di?”

Qtai! Mpuyu ku so kari su moda. Qtai! Mbege ku knkela ma lhebun mkela psaanak, uka ani ima mntena isu tgberah su. Bobo su uri we uka ani ima maha mtutuy mntena isu uri.

Rmengo heya ka Utux Baro: “Ado mesa su oda nii, ini su pesa qqbsiyaq su muudus, qqbleyaq su ma, uxe uri we pphuqil pais su. Wano ba kkela su psgao, tduwa psaanak mbahang ka pnesa su.

Uxe su pnesa we biqun su mu hiya uri. Qnbleyaq, knledax kana kndesan su we uka ani kingal ka qbsuran paru mpgkala sunan.

Nasi su thei moda elu mu, muyu su qmeepah kari pndakar ma gaya pndakar mu, mntena so qneepah Dawid tama su de, pqbsyaqun misu pkuudus.”

Meeniq Gibon keeman ciida, Utux Tmninun we spooda na sepi mtqita heya ma, rmengo Selomoh: “Maanu ka bbege mu sunan we, tduwa su mesa kenan.”

Saya, Utux Tmninun, Utux Baro mu! Isu ka pnlutuc tnqliyan su mqbsuran paru rmirih Dawid tama mu. Kiya de, laqi ku ba, ini ku ba kela ka ooda.

Ado dmnurun so oda nii ka Selomoh, kiya ka kuxul riyung Utux Baro.

Cmiyuk ka Selomoh: “Gnhuwe su bale mege gnaalu Dawid tama mu tnqliyan su ka isu. Ado heya we stmaun bale, msderux noda ma, mnugbale ba ka lhebun na meepah berah su. Dungal we rngiyan su paru ba gnhuwe, sbege su heya ka 1 laqi mptleung tluungan qbsuran paru mntena ali saya.

Yaku tnqliyan su we meeniq ku seediq gneegan su. Seediq nii we hbaro bale ma ini snqlingi smepu.