Popular Bible Verses from Ejai 60

Share

I ɓai dõ, unj kɨta kunj loi ɗe. Kunj Bɨraɓe kɨɗangeɗeng unj dɔit.

Girrdeg kɨ dang dang a ɗen kam kunjit, na ngarg a ɗen kam nyẽr kunjit.

Oo til a ut dɔning, til diw kirir, a ut dɔ girrdeg kɨ dang dang, na Bɨraɓe a ɓai dɔit dõ. A oon kunja kɨɗangeɗeng dɔit.

De kɨdu a tel kɨdub, na kɨdu tɔi a i girrdeg kɨ dum dakɔrd. Mĩ Bɨraɓe, m'a mad ɗa nya 'nten Kanag kɨ dɔkag loa.

Kàd a i kunj loi lokɨkàda gog al ta, nah a ndah dɔit gog al tɔ, na Bɨraɓe a i kunj loi kɨ mbãkɨnõt, Luwah loi a i nyatɔko loi.

Kàd loi a ud gog al ta, nah loi a diw til gog al tɔ, kɨta Bɨraɓe a i kunj loi mbãkɨnõt, na ndɔ hɔndo loi a tɨga.

Kamla a oo, na a i unj ɗang, ronel a tɔsɨ kami mbukɨmbukɨ, kɨta nyag kɨ ton mbuj kɨ tond dɔ bahbot a telɨn loi, nyamajg lo girrdeg kɨ dang dang a ɗen roit tɔ.

Un kumi kɨ dõ i nɔlɨn lo gug dɔi. A kawɨn na tube ɗen roit. Ngani kɨdɨngãg a ɗen ko sãi, a ton ngani kɨdẽ jidt ɗen sed.

Deg loi tube a ĩn deg kɨdenesew, dɔning a i lod mbãkɨnõt. In non la i dɔj kag kɨ m'hɔa ye, i kɨlaɗa jim kad m'ngan tɔko.

A oon dɔ ta lo nyaɗa kɨ lo ngetɔgt kam dɔningt loi gog al, ke tel gootɓe, ke nuj kam dɔningt loi. A i ndah tɔ ndogbɔrrg loi kaj, na tabitg loi tɔd i Ndub tɔ ho.

Tabitg loi a ɗan tag kɨndɔgndɔg, a utɨn kàda ke ndɔ al, kɨtakad andɨn goit kɨ nyamajg lo girrdeg kɨ dang dang nat kɨ ngarg lod.

Lukum koosɨg a utɨn dɔning loi kɨ lukumg kɨ Madiã kɨ Epa. Ngé kɨ Saba tube a ɗen, a ton lɔr kɨ nduj kam kɨ kootmbĩ, a lan mber kɨlaɗa Bɨraɓe kɨ asɨ kad deg ndubɨna ne.

Mbahg a ɗan ndogbɔrrg loi gog, ngarg lod a ɗan kɨlaɓer adɨn kɨta m'ndai kɨ wong lom, na kɨgo ndigt lom la m'oon kumtondo loi ye.

Ke neni ĩn nya kɨ la kɔ kɨ kɔsɨta, na de tee roit al kaa, m'a m'teli nya kɨmajkoo dum mbãkɨnõt, kɨ nyaronel kɨ ro ngakat kɨ ngaka.

A il mba girrdeg kɨ dang dang; a i taa nyamajg lo ngarg titbe tɔ. A i ger mĩ Bɨraɓe Ngekaj, kɨ Ngebadɔi, Ngetɔg lo Jakob.