Popular Bible Verses from Ejai 54

Share

Nyakat kɨ ɗi'n kɔd wo kɨta ɗɔɔn sei, a ɗa sei nya mad al. Dekɨɗen'n a ɓai ndoori lo gangtat a ne, a i hɔa kɨ ta. 'Nten la i nyabelɓe lo ɓerg lo Bɨraɓe na kɔrrtadɔt lod a ɗe koromt, kel Bɨraɓe.

Kɨtɔ mbalbog a goton loɗadt, doorlog tɔ a in kɨ kɔrr kɔ, na kamkẽ lom a goto roit al. a i kɨ kɔrr kɔ al tɔ. Kel Bɨraɓe ngekõkam.

Ot ɓool kɨta rosɔl a ɗai al. Ot la dɔi ber kɨta a lan rosɔl dɔit al. Kami a oi dɔ rosɔl kɨ kaglo mandit nu, kami a gah dɔ kidt lon i telɨn ngengaw koi gog al ta.

Kɨtɔ Ngeɗai la i ngawi, tɔa i Bɨraɓe Ngetɔg tube. Ngekunjɗang kɨnge Israel la i Ngebadɔi, tɔa i Luwah Ngedɔning kɨtaagbe.

Ad kam kujkub loi tat. I tee pal kub kutdɔ londɨ ad tat tɔ. Ot kɔrr roi, ad kɨla kujkub loi ngal, i mbusɨ go kagag ad ngang.

Nganig tube a in ngéndoonya lo Bɨraɓet, na lapia kɨdɔ nganit a i kɨbobe.

Lon wong tɔlɨm sɔkɨr ye, m'yai takum'm kaglo tẽ, na kɨgo kamkẽt kɨ tokɨnõt la m'a m'oon kumtondo loi kel Bɨraɓe Ngebadɔi.

Kaglo tẽbe la m'nyain, na kɨ kõkam kɨbobe la m'a m'hɔin kɨromt ye.

Kɨtɔ nya 'nten i romt tit man kɨ kaglot lo Noe be. Tit'n m'ndan yo kad man kɨ kaglot lo Noe a tel ut dɔning gog al, titbe la m'ndan yo kad m'a m'ɓawong sei gog al, kad m'ndangi al tɔ.

M'a m'ɗa dɔ kujg kɨta ngom dɔɓe loi kɨ medkɔsɨ rubisg, na taɗɔbg loi in kɨ ɗa kɨ medkɔsɨ kɨ ndulo ngẽingẽi. M'a m'ɗa ndog loi tube kɨ mbalg kɨ gatd i ngãi.