Popular Bible Verses from Ejai 53

Share

Na kɨta tɔidɔtag loj la adɨna ne dɔg ye, ndana mbukɨmbukɨ kɨta ɗagootalg loj. Ndakɔj kɨ adj lapia i dɔat, kɨtakul ndɨna doog loa la kɨ yootɨn ye.

Jĩ tube kɨ ndɔm tit batg be, dekɨɗen kuujt tɔ ɗob lon kɨ kɔsɨ dɔn. Bɨraɓe nda ɗagootalg loj tube dɔat.

Rota, to daiyog loj, ɔi kamkɔlg loj, na j'ooa tit de'n Luwah ɔja kuma, ndaa, na sɔl dɔa.

I nya kɨkid, i nya kɨ la kɔ ro degt, i ngekamkɔl, ger daiyog ɓet tɔ. Kidna tit de'n deg unɨn kumd kɔ dɔat, jĩ tɔ j'ooa nya madt al.

Ɗan sia nya kɨ to, na sɔl dɔn, tee tan al. Ɔrrɨna tit bat be kɨ lo jakɔt. Tit'n kõ bat a ɗan gon mbo nõ ngéja bĩnt ye, titbe tɔ la teen tan al.

I ndig lo Bɨraɓe kad ndana mbukɨmbukɨ, ada dai yon tɔ. Ad ron koi, ad i kadkari kɨtɔ majal, a oo kohn, a la ndɔag kɨdɔt. Maj a ur ndig lo Bɨraɓe jiat.

Kɨtɔ tɔg nõat tit nyahɔ kɨ to ngoor ɓaitɔ, tit ngɨra kag kɨ tee dɔningt kɨ tut kurum; majkooa ke nelkoa goto, kad kɨ tel kumj kɨ nɔlan. J'oo nya mad roat kad kɨ ndinga goto.

Kɨtɔ 'nten m'a m'adan gajnya loa nat kɨ kɨbog, ĩ tɔ a keg nyatetɗɔɔ nat kɨ ngétɔgg kɨta ad ron mbã koi, na tɨdana nat kɨ ngétɔidɔtag. Ɔi majalg lo deg ngãibe dɔnt, kɔ kɨta ngetɔidɔtag.

A oo kand kɨla kɔr rɔkɨ lo ron, kama a so kɨber. Kɨtakul gerɨn deg a gerɨna la ɓer lom kɨdenesew a tel deg ngãibe denesewt, na a ɔi ɗagootalg lod kɨdɔnt.

Nyaɗa deg kɨ lo ngetɔgt kɨ takɨgang kɨgoɗobat al, ɔrrɨna kɔ, na ku degt kɨ kaglot loa, nõ ga kamɨn dɔat an: Goto dɔningt kɨ deg ndɨnt kɨ dɔd dõ, i kɨ nda kɨta tɔidɔta lo deg lom.

Ɗan ɓada nat kɨ ngéɗamajalg, na go koiat i nat kɨ ngemaj, kɨta ɗa nya kɨ to kɨ de al, ta kɨngom goto taat tɔ.