Popular Bible Verses from THUPHUAN 8

Share

Tuufa in tacik pasarihhnak a hawk fangin vancung ah nazi khuai song dung thawmvang zaikhai um loin dapkhep i.

Vancungmi pakhathnak in a thirhlung tum ai thisan thawn a roihhnak rial le mai tu laipua ah ruah bangin si dekdo i. Laivum seuthum seukhat kang sek i, thingkung seuthum seukhat kang sek ai hampa hing tu a veksen in kang sek i.

Cen i honsik fangin vansangpui ah mupui pakhat zuang ai, “A laukul, a laukul! Vancungmite pathum in amahte thirhlung tum tlang fangin laipua vumai a ummi hmuahhmuah caah a laukul ze lawmlam i!” tiin cawm ngai in a ti za ing.

Vancungmi pahnihhnak in a thirhlung tum ai a ko hluahhlo mai tlang lianpui bang thil pakhat heh tifingriat songah lon i. Ciafangin tifingriat seuthum seukhat heh thisan ah cang sek i.

Vancungmi pathumhnak in a thirhlung tum i. Maifar bangin a ko hluahhlo arsi lianpui pakhat tu van in runti le cirhtite seuthum seukhat vumah tla i. Ciami arsi hming tu, “A kha,” tihnak i. Ti seuthum seukhat tu tikha ah cang sek ai ciatihin a kha ze manin ciami ti a dingtu mi tampui thi i.

Cen vancungmi palihnak in a thirhlung tum ai ni seuthum seukhat, hlapui seuthum seukhat, arsi seuthum seukhat tu hnawm sek i. Ciamanin amahte tleuhnak seuthum seukhat pai sek i. Sun seuthum seukhat ituseh zan seuthum seukhat ah ituseh, tleuhnak um lo i.