Popular Bible Verses from THUPHUAN 7

Share

Cia hnuaah i sik fangin miburpui tampui hmu ing; aisu inkhai siar cawk lo miburpui i. Anite tu miphun, hin, pong phun cangcang in a hlenghnak mite i ai bawi tohkham le Tuufa hmaiah ding tlang i; pon ngo sil tlang ai amahte kut in fuhfau hnah awh tlang ṭen i.

“Nunohnak tu bawi tohkham vumai a totu kin Pathian le Tuufa hnenin hleng i,” tiin cawm ngai in au tlang i.

Zaimantifangin bawi tohkham laiteng ai a ummi Tuufa tu anite khaltu i tuhai nunhnak petu cirhti umhnak ah fehpui tuh i. Cen amahte mithli hmuahhmuah heh Pathian in nul sah tuh sek i,” tiin ti i.

Ciamanin Pathian ai bawi tohkham hmaiah ding tlang ai biakinn songah a naper heh a sun a zan in per tlang i. Bawi tohkham vumai a totu in umpui tuhai ciami a umpuihnak tu a himhnak i tuh i. Rikam tlang tuh nawn lo ai ti khai hal tuh nawn lo i; ni sa tuar tlang tuh lo ai thinpit vansang khai um tuh nawn lo i.

Vancungmi in, “Kin Pathian ai cengfate cal ah hnikhnaihhnak tacik khen ben sek hlan ahcen laipua le tifingriat le thingkungte siatsuah rih mah ih,” tiin ti i. Cen Pathian ai hnikhnaihhnak tacik in amahte cal ai khen cia mite tu ting khat le thawng sawmli le thawng li i, tiin i rel i. Ciami tu Israel miphunte hlaihnih songin i.