Popular Bible Verses from THUPHUAN 14

Share

Cen vancung in aw pakhat za ai, “Hemi heh ngan tu. BAWIPA sang kongin a thitute heh mihmuifu i,” tiin ti i. Ciafangin Rauhla in, “I ngaingai i! Anite tu amahte naper khunghar in cawlum tuh ihang; zaimantifangin amahte perhnak in hlun tlang tuh i,” tiin ti i.

Hebang can ah Pathian ai minungte, Pathian ai thupehnak a hluntu le Jesuh caah rinsantlak ngai in a nungtute in thinsau in amahte tuarbenhnak nai zia larruai kul i.

Aw cawm ngai in, “Pathian upat tu ilai a thawmlianhnak thangphat tu ih! Zaimantifangin miphun cang amahte thu rel can hleng zo i. Van le lai, tifingriat le cirhti hmuahhmuah a bawntu bia tu ih!” tiin ti i.

Vancungmi pathumhnak in a hmai ai a zuangtu vancungmite pahnih heh hlun ai aw cawm ngai in, “Aisu khai sahrang le milim bia ai a hnikhnaihhnak a cal ah ihlahle a ban ah a naitu heh, Pathian thinrawhnak khuat songai a thinraw ai bunghnak cabit zu a tumce ding tuh i. Ciami zu a dingtu heh vancung thianghlim mite le Tuufa hmaiah mai le kat mai songah cawhhnak tuar tlang tuh i. Amahte cawhhnak maikhu tu catloin vum lamah kai tuh ṭiode i. Sahrang le a lim biatu le a hming hnikhnaihhnak a naitu ca ahcen sun ah ituseh zan ah ituseh muang niu in cawlumhnak can nai nawn lo i,” tiin ti i.

Cen i sik fangin Zion Mual ah Tuufa ding hmu ing; amah thawn hmunkhat ah mi ting khat le thawng sawmli le thawng li um tlang ai ciamite tu amah ai hming le Pa ai hming amahte cal ah nganhnak mite i.

Cen van ah a zuang hnelhno vancungmi pakhat hmu ing. Amah tu laivum miphun cang, hin cang, pong cang le ram cangcang hnenah kumzangza in a khomi Thuthangpha thantu i.

Vancungmi pahnihhnak in pakhathnak heh hlun ai, “A thawmlian mi Babylon tu hnawm zo i, hnawm ngah zo i. A taksa hiamhnak cabit zu khiah mi zongzong pe ai, riruai sek i,” tiin ti i.