Popular Bible Verses from THUPHUAN 12

Share

Kin unaute in Tuufa thisan le thutak phuanghnak thawmin nehhnak ngah zo i. Amahte nunhnak pe siang ai thi khai ngam tlang i.

Cen vancung ah aw cawm ngai za ai, “Pathian ai nunohnak hleng zo i! Pathian in kumpibawi a ihnak huham larruai zo i! Messiah ai huham larruai zo i! Zaimantifangin Pathian hmaiah ding in, a sun a zan in kin unau sual a hluktu heh vancung in lonhnak tuar zo i.

Rulhreng ham ngai, khuahlan rulpui, khuasia ihlahle Satan tiin kohnak, laivum pumpuhluk mizawltu heh van in lon tlang i. A vancungmite thawn laivum ah lon i.

Ciamanin vancung le van ai a um mite hmuahhmuah ang tu ih! Ikhalselai laipua le tifingriat hrangah a hmai lam a pit ze i! Zaimantifangin Satan ning hnenah hleng zo ai, can raipui nai nawn lo ti a ling manin a thinraw ngai i,” tiin ti i.

Cen vancung ah raltawngdunhnak um i. Michael le a vancungmite in rulhreng tawng tlang i; rulhreng le a vancungmite inkhai thawng thun ve i.

Rulhreng tu nupang nu vumah a thinraw ze ai nupang tefa pawl Pathian thukham a hluntu le Jesuh ai phuanghnak thutak a rinsantute hmuahhmuah tawng tuhin feh lala i.

Cen Vancung ah ngaihtamkul thil pakhat lar i. Nupang pakhat lar ai a thuam tu ni i; hlapui tu a ke hniaah dah ai arsi hlaihnih ai bawnhnak kumpibawi lukhuk khu i. Naupai ai nau te can khim i. Naukai ur in ur manin ai hnelhno i.

Cen ciami nupang nu in miphun hmuahhmuah thirfung thawn a uktu tuh fapa te i. Ikhalselai nauniu tu lang ai Pathian le a bawi tohkham hnenah tlanpui i. Nupang tu Pathian in hmun a rem sah ciahnak hampalak ah tlan i. Ciata ah ni thawng khat zahnih le sawmruk song cawm tlang tuh i.

Cen vancung ah a dang ngaihtamkul pakhat lar i. Rulhreng san ham ngai, lu pasarih le ki pahra naimi lar i. A lute in kumpibawi lukhuk pakhat ṭen khu tlang i. A mai in van ai arsi seuthum seukhat laivum ah vit ai tlok sek i. Nau nai tuh nupang hmaiah ding ai nau a te sawng fangin dawp tuhin bawh i.

Ikhalselai nupang nu tu amah caah remmciahnak hampalak ah a zuanghnak tuhin mupui lian ngai ai ko pahnih pe i. Ciata ah rulhreng in siatsuah thil tuh loin kumthum le a hrek song kilkhawl tlang i. Cen nupang nu tu tilian in lan tuseh tiin rulhreng ka songin ti suakruai diamdo i. Ikhalselai nupang nu bawm tuhin laipua tu a ka kua hiangai rulhreng ka songin a suakhnak ti khiah lem sek i.