Popular Bible Verses from THUPHUAN 11

Share

Cen a pasarihhnak vancungmi in a thirhlung tum ai vancung ah a cawm ngai aw in, “Laivum uk benhnak huham heh kin BAWIPA le a Messiah kut songah um zo ai kumzangza in kumzangza tian amah in uk tuh i,” tiin ti tlang i.

Na thinraw a larhnak can hleng ai mithite thukhan can a khim manin, Pathian sang lote thinraw tlang roh i. Na cengfa prophette le na upattu na minungte a ham a sen in perman ngah tlang can hleng i. Laivum siatsuahtute siatsuah can hleng zo i,” ti tlang i.

I lingpuitute pahnih, buri hnikpon thawn thuam in, hlat tuh ing; anite in Pathian thu tu prophet bangin ni thawng khat le ni zahnih le sawmruk song rel kawm tuh i,” tiin ti i.

Ikhalselai ni thum le hrek hnuaah Pathian hnenin nunhnak petu haihawh hleng ai amahte songah lut in anite tu kawi tlang tuh i; ciami a hmutu hmuahhmuah heh tihik tlang tuh i.

Van pit thil thu nai ai Pathian thu a phuang song tu van in ruah si tuh lo i. Ti vum ahkhai thu nai ai cirhtite heh thisan ah cangruai thai i. Laivum tu amahte daih cancan ah urhnak a phunphun in cawhthilhnak nai i.

Ciami lingpuitute pahnih tu laivum BAWIPA hmaiah a dingtu Olive thingkungte pahnih le maikhuatte pahnih i. Anite siatsuah a tumtu a ralte hmuahhmuah heh amahte ka songin a suakhnak mai in siatsuah tuh i; ciatihin anite tuahmawh a tumtu heh rekhnak tuar tuh i.