Popular Bible Verses from JAMES 3

Share

Ikhalselai van in a hlenghnak fimhnak tu zaidang tahin a thiangmi fimhnak i; ciahlaiah daphnak in dim i, a lungnem ai pawlkom thiam i. Ninghio thinpemhnak nai ai naper pha ai thai suakruai i. Hlaihdanhnak nai lo ai ti dun khel khai nai lo i.

Ningmah lakah fimhnak le linghnak a naitu um aw i sim? Um le i sikhaw a nuncan pha in larruai tu selai, thinniamhnak le fimhnak thawn thilpha bawnhnak in larruai tuseh.

Cen remhnak a bawntute ai daphnak thawn pawihnak hlaici in amahte khawmhnak a thai heh phathnak i.

Iksikhnak le pamhaphnak ian a umhnak hmunah buaihnak le phatlohnak a phuncang um ve i.

Kin lai heh kin BAWIPA le kin Pathian thangphathnak ah hmang ai cen amah ai hmuihmel cuangin a semsuahhnak kin minungpuite cukcamhnak ah hmang lala ising. Thangphathnak ponkam le cukcamhnak ponkam tu kin ka pakhat songin suak i. U le naute, hebang in i tuhhnak ilo i.

Ciami maibaw bang heh lai i. Lai heh a pha lo i ai kin taksa songah umhnak hmun nai ai ciata in phatlohnak in kin ruangpum veksen ah feh sek i. Kin nunhnak hampui tianin mai in tai ai ciami mai tu hell hmun in a hlenghnak i.

Ikhalselai ka songai lai heh a ngawiruai bentu ngaingai aisu khai um lo i. Lai tu a pha lomi i ai uk thilh lomi i; mirek thai ru nai i.

U le naute, mi tam ze in zirhtu cang hiam mah ih. Zaimantifangin ning linghnak bangin kinmah zirhtute tu midang tahin luar deuh in thukhanhnak tawk tlang tuh ising.