Popular Bible Verses from WAGALATIA 5

Share

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima. Kwipfo mawiko hechidekya ishi shikeri shidipfo.

Na ngahamba, muchumie muiwaitike nyi Mumuyo, kyo kimwenenge mulechihenda yawutsya wulanga wo kii nyama.

Kokoya nyi Mumuyo aluenenga moo, kyasia naso luchumie mchumie fusumhanye Mumuyo.

Indi iwa wai wa Kristo Yesu wo wekekapya shii nyama shawo msalabeny hamu na wulang'a na wulanga.

Mawuto ha kii nyama ho hamanyikye na pata chando hakeri. Naho hai cha iha, wuṟuhui, mbutie iterefutsye mrima, wukuwu. Wuindi woindya mfanano ya ruwa liwe na liwe, wuhanga wuwicho, shituwa, mlusano, wuṟiinganyi, wuduitsi, shiloyo, mapaṟatsano, malehano, wunyeng'. Wunanzi, itandaluo ndeu, na shindo shingi cha ishi, kyasho ngasonguo imbia chando njilewembia, ke wewuta wado wo wechikudaya wumangi wo Ruwa wuwe kyoṟapfo.

Nyo mui walahe kundu mochikuachia muwenyi, wanawawama. Ikuachia lyo manya lilawe lyewikya mbaṟi ya kii nyama pfinya, kya indi muhoneryane muwenyi na wenyi mochikundana.

Cha kipfa kilya kii nyama nyi kilehanyi na Mumuyo, na mumuyo nyi alehanyi na kilya kii nyama. Isho shi shiwi shewikyana kitumuo kikatewa mulawute iki murie iwuta.

Cha kipfa wuwawaso wose wukuruwye idedonyi limu, nalyo nyilyo ilyo, kunda ichu uṟasanyi nao chando ukukundi iyo kumonyi.

Lulakushele na shindo sha maai lochianduyana na inyeng'ana luwenyi na wenyi.

Kristo ameluashuo wusingenyi kundu lukuachie ikuachia lya lohi. Kyo kimwenenge mukuhode, mulakilekie muwuye ipfungyo-se kilamyonyi kya wusinga.