Popular Bible Verses from DANIELI 9

Share

Ngaterewa Mndumii-Ruwa oko, ngatocha wunyamaṟi, ngahamba: “Iyo Mndumii-Ruwa, Ruwa ung'anyi, nooweshie, okewada mkundana na osaṟio ko walya wakukundi na iringa mawawaso hapfo.

Hoi Ruwa oko, deha kudu kopfo, uadanyie; tambaṟuo meso hapfo noambuye nowone wo wukiwa wodu, na mṟi fulya fui fulahe kui rina lyapfo, kipfa chi luikuterewa kui wucha wodupfo, kyaindi nyi kipfa kya osaṟio lopfo lung'anyi. Hoi Mndumii-Ruwa uadanyie, hoi Mndumii-Ruwa, uhooṟie; hoi Mndumii-Ruwa uicho, uwute, kulakeleo, kipfa kyapfo iyo, Hoi Ruwa oko; kipfa kya mṟi fopfo na wandu wapfo wailaho kui rina lyapfo.

Ngaindutsia Mndumii-Ruwa kyamu kyako, kundu njiidime iterewa, na ikuotoya na iṟaa nguo tsa masaṟa na ikaa ifunyi.

Osaṟio na ihoṟio lyii ko Mndumii-Ruwa odu ma chandu lulemdekio

Nao nyi echiwikaho mkundana mhoṟotsu na wandu wafoi kiheri kya mfungade fumu; na kyenga kya mfungadefo nyi echiima shiano shedasa; na o kiidi kochihoṟokaho kiwi kya orumatso; nahong'u mtsitsionyi, na nyashi iya iwenjiteseheṟe ihende hoya ichu monyamaṟa.”