Popular Bible Verses from Roma 3

Share

Hiyo atu atene nihimala tega eto nnafwanyeya olapela wene na undimuwa wa Mulugu. Mbwenye Mulugu mwa sayi daye, mutu unowanda kala wapama muwari mwa Yesu Kiristu. Kala wapama muwari mwa hiyo atu tchi yengo yovahiwa muwari mowomboliwa wewo unafwanyeya muwari mwa Yesu Kiristu.

Makaleluwa boira mutu unakala wapama vamentoni va Mulugu muwari momuroromela Yesu. Mutu uli watene unamuroromela Yesu Kiristu, gunakala wapama vamentoni vaye. Tchoira kavali hiyana mwa atu.

Mulugu amurumile Yesu ira aze avuvihe sangiri naye ira mutu amuroromela, Yesu mwa sangiri naye amalihena uwali wanna Mulugu zela mutule. Mulugu ohoirana eno ira aonihe ira liye gowongowa, tchoira wanle Yesu ahanaze Mulugu movilevela mwaye, ohiya vammambalo jotega ja atu. Tempu ili hiyo ila, nagaonne ukwa wa Yesu vamalroni va hiyo atu, hiyo nnowanda ona ira Mulugu kahi mutu olramwisa jotega mbwenye Mulugu gowongowa. Muwari mwa ukwa wa Yesu, Mulugu unomukaliha pama mutu wenno unamuroromela Yesu.

Tchoira kavali mutu unakala wapama vamentoni va Mulugu muwari mohara malamulo. So malamulo anamuiziwiha kada mutu jotega jaye.

Kalaga nnga ilrembiwe mMazuni ira: <<Kalivo mutu wapama, nne mmohi. Kalivo unaonelramo. Kalivo unafuna nvenda Mulugu. Atu atene kohomala peruwa peruwa, kinna mabasa. Kalivo unera upama, nne mutu mmohi.

Tchoira hiyo nihirumela ira mutu unakalihiwa wapama muwari momuroromela Yesu bahi, hiya moharihamo malamulo.

Nari, nne vang'ono! Inafwanela niiziwe ira masiki atu atene kakale atu onama, Mulugu mbwenye gwa ibaribari. Kalaga nnga ilrembiwe mMazuni ira: <<Nyo Mulugu mwawonga, gunafwanyeyana razawu. Nyo Mulugu munoagondjiha atene ofuna usumelani.>>