Popular Bible Verses from Izaiya 6

Share

Kuma evo dohovwa mazu a Nabwiya kawongaga keraga: <<Kodi unafuna hiyo muruma bani ira adowe?>> Evale dohoiraga: <<Miyo dili evano, dirumeni.>>

Aserafini ale kohokuwaga keraga: <<Otchena, otchena, otchena gu Yehova wa Makuru Matene. Undimuwa waye uzala ilambo ya vati.>>

Evale miyo dohowongaga ira: <<Dihikwa miyo! Tchoira dihimala dimela. Mwasiwa miyo dili mutu okana milomo dotakala eto nnakala muwari mwa atu okana milomo dotakala eto dihimuona Mwene wenno uli Yehova wa Makuru Matene na meso aga.>>

Yaka yakwile mwene Uziya, dohomuona Yehova agagaratenle mpando wa umwene olapa, otukuleleya. Owara bata yolapa fiyeda mwezo ozala Nyumba ya Yehova.

Evale liye ohosakwinyana nikalra nne vamilomoni vaga, liye ira: <<Kaing'ana miyo dihisakwinya milomo dawo na nikalra ni. Mulandu wawo watene umalihiwa. Jotega jawo jatene jihileveleliwa.>>

Vazulu vaye vohoimela aserafini. Kada serafini ohokana mapepelo matanu na nimohi. Mapepelo menli akunenlena wintoni waye. Mapepelo amohiwa menli akunenlena manyaloni. Mapepelo menli amohiwa era vavana.

Evale mmohi mwa aserafini ale ohovavela valigi miyo aganna nikalra na munlo mmandani mwaye. Nikalra niwa atukunle na alikati vaibuwani ya mikuto.

Evale Yehova odiwakula eraga: <<Kadowa waawandele atwayo, wire: <Vwa munerege vwa mbwenye kamunavwamo. Ona munerege ona mbwenye kamunaonelramo.> >>

Yehova eto ohodiwandela ira: <<Waavandihe atwala mirima diwa, waatiyele mabaru ewa, waafunge meso ewa tawiha ira anaze kaone na meso ewa, eto tawiha ira anavwe na mabaru ewa, eto tawiha ira anaze kaonelremo na mirima diwa, amala katwaruwe, kavulumutchiwe.>>