Popular Bible Verses from Ezodu 9

Share

Mbwenye ira miyo duhiye weyo ira ukalewo, diirele ira duonihe kopolo daga eto ira nzina naga niiziweye mwilamboni ya vati.

Noira eno, Yehova ohomuwongana Mozeji ira: <<Tiye wawonge na Farawu, wire: <Yehova Mulugu wa aEberewu unawonga ira: <<Waahiye atwaga kadowe, kaditamalele.

Tchoira ahakanlege miyo difuna ira ditapule ndanda naga ira duvahe maurenda owopiha ira weyo vamohi na atwawo mukwena, na ibaribari tempu yenna yakala mwagamanle tolowamo.

miyo dagali Yehova, ndanda naga nnoziha itukwa yohokala ya masika mwilamboni muno, jifuwo jawo jatene jinafuwa we jinokwa. Roma kavalo, aburu, akamelo, ng'ombe, mabila, mbuzi, jatene jinomala kwamo. Eto miyo dagali Yehova nnohiyaniha jifuwo ja aIzarayeli na jifuwo ja aIjipitu ira muwari mwa jifuwo jatene ja Ana Izarayeli yahakalevo nne imohi inafuna kwa.>> > >>

Metchelo ora yokala nnga a yenna, nnafuna dimorihe muzongwe wa maralaza owopiha, maralaza anno kali kahanarome oneya muwari mwa ilambo ya Ijipitu kuma siku niromile kalawo ilambwela ya Ijipitu fiyeda peno. Nona miyo nnouwandela ira waarume atu, kadowe katawihe jifuwo jawo vamohi na jatene jili unde. Tchoira mutu uli watene vamohi na inyama ili yatene inafwanyeye unde, yahatawihediwe mmba, jinagomela moreliwa muzongwe wa maralaza ule, jifiyede kwa.>> > >>

Ndora nne namwadeyaga, nnosanduwa nikale tumbulru notchileya pama eto nnogaweya mwilamboni mwatene mwa Ijipitu eto nnosanduwa nikale anakadjindji mmaningoni mwa atu atene vamohi na jifuwo muwari mwa ilambo yatene ya Ijipitu. Anakadjindji ale anerege pwezeya fiyeda mwezo okala vilonda.>> Evale aliwa kohotukula ndora na muhofuni, dowana vamentoni va Farawu. Mozeji ohovokedaga ndora nne zulu. Ndora nne nagamwadeyile, nohosanduwa kala anakadjindji muwari mwa atu atene vamohi na vinyama. Mwa enne anakadjindji ale vapwezeya atu, kohoroma kala vilonda.